سولتۇستىك كورەيا بالليستيكالىق زىمىرانىن سىناقتان وتكىزگەنەن كەيىن رەسەيدىڭ  قيىر شىعىستاعى اۋە قورعانىسى كۇشتەرى ۇرىس جاعدايىنا ءوتتى دەپ مالىمدەدى رف قورعانىس جانە قاۋىپسىزدىك كوميتەتى باسشىسىنىڭ ورىنباسارى ۆيكتور وزەروۆ ريا نوۆوستي اقپارات كوزىنە.

وزەروۆ ريا نوۆوستيعا بەرگەن سۇحباتىندا «ءبىز سولتۇستىك كورەياداعى جاعدايدى مۇقيات باقىلاپ وتىرمىز. قازىرگى تاڭدا رەسەي فەدەراتسياسىنىڭ قيىر شىعىستاعى اۋە قورعانىسى كۇشتەرى جوعارى دەڭگەيدەگى اسكەري دايىندىق ۇستىندە» دەدى.

كەشە جۇمادان، سەنبىگە قاراعان ءتۇنى سولتۇستىك كورەيا ءوزىنىڭ بالليستيكالىق زىمىرانىن ءساتسىز سىناقتان وتكىزگەندىگى جايىندا اقپارات تاراعان بولاتىن. بۇل ءبىرىنشى ءساتسىز سىناق ەمەس، بۇعان دەيىن 16-شى ساۋىردە پحەنياننىڭ تاعى ءبىر زىمىرانى دىتتەگەن جەرىنە جەتپەي جارىلىپ كەتكەن ەدى.

"The Qazaq Times"