Älem kartasında söz bostandığın tolıqtay bergen, aqpen belgilengen elder jıl ötken sayın azayıp baradı.

«Şekarasız tilşiler» (RSF) halıqaralıq wyımınıñ älemdegi söz bostandı jayındağı 2017 jılğı reytingi jariyalandı.

Bwl reytingte Qazaqstan söz bostandığı jağınan 2016 jılmen salıstırğanda 160-şı orınan 157-şi orınğa köterilgen. Alayda «Şekarasız tilşiler» wyımınıñ aytuınşa "bwl körsetkiş bir jıl işinde Qazaqstanda jurnalistterge qısım jasalmadı degen söz emes. Bwl özge elderde de söz bostandığına şekteu qoyu köbeygenniñ belgisi" deydi.

«Şekarasız tilşiler» (RSF)  wyımınıñ zertteuinşe Qazaqstanda 2013 jıldan beri täuelsiz gazet, jurnaldar, sayttar, blogerlerdi qudalau jwmısı jalğasıp keledi. Bwrın Qazaqstanda täuelsiz jurnalistterdi wrıp, soğıp qorqıtu faktileri köp tirkelse, qazir milliondağan teñge ayıppwl salu arqılı täuelsiz BAQ-tıñ damuına kedergi jasau faktileri köptep kezdesedi.

«Şekarasız tilşiler» (RSF) reytinginde Ortalıq Aziya eldernen Qırğızstan-89 (2016 jılı 85), Täjikstan-149 (2016 jılı 150), Qazaqstan-157 (2016 jılı 160), Özbekstan-169 (2016 jılı 165), Türkimenstan-178 (2016 jıldan beri özgerissiz), Resey 148-şi orındarğa jayğasqan. Al demokratiyanıñ qaynar közi sanalatın AQŞ-tıñ özi  bwl reytingte 43-şi orında.

«Şekarasız tilşiler» (RSF) halıqaralıq wyımı bwl reytingti 2002 jıldan beri älemniñ 180 elindegi  bwqaralıq aqparat qwraldarınıñ   damu jağdayların salıstırıp jasap keledi.

"The Qazaq Times"