Düysenbi. Mäskeu. EO Sırtqı ister böliniñ meñgeruşisi Resey SİM basşısımen kezdesti. Foto: The Wall Street Journal.

Euroodaq sırtqı sayasattıñ negizgi mäseleleri boyınşa Reseymen dialogtı keñeytkisi keledi. Bwl Europalıq elder men Resey qarım qatınasınıñ birşama oñala bastağanınıñ alğaşqı körinisi dep bağalanıp otır. Al mwnıñ kerisinşe EO AQŞ-tıñ sırtqı sayasatına degen alañdauşılığı barğan sayın küşeyip keledi. Bwl turalı “The Wall Street Journal” basılımı habarlağan bolatın edi.

EO Sırtqı sayasat böliminiñ basşısı Federiko Mogerini (Federica Mogherini) osı taqırıptı talqılau üşin osı aptanıñ basında Mäskeude saparda bolıp, Resey sırtqı ister ministri Sergey Lavrovpen kezdesti. Bwl 2014 jıldıñ jıl basında Ukraina dağdarısı tuılğannan beri qaray EO joğarı lauazımdısınıñ alğaş ret Kreml'diñ negizgi ökilderimen kezdesui.

Eki taraptıñ arasındağı tığız baylanısqa Qırım jäne Ukrainanıñ şığısındağı mäselelerden keyin üzilis jariyalandı. Sodan beri Europalıq Odaq qarım-qatınas mümkindigin qayta retteuge tırısıp keldi. Eki jaqtıñ qatınası üziluden bwrın, EO-Resey eki jaqtıñ kezekti sammiti ötken bolatın. Onda Energetika jäne sauda-sattıq jaqtarındağı ortaq sırtqı sayasattı qarastırıp edi.

Keybir EO-ğa müşe elder Reseymen qarım-qatınastı jaqsartuğa şaqırdı. Degenmen key europalıq elder reseyge küşti ekonomikalıq sankciya saludı qoldaydı. Mogerinidiñ aynuına qarağanda qazir eki jaqta tiresudi toqtatıp, eki jaqtıñ da ekonomikalıq müddelerin eskeretin, tıñ serpilistiñ joldarın qarastıratın kez eken.

The Qazaq Times