Tayau Şığıstağı geosayasi jağday tağı da kürt şielenisti. «The Guardian World» basılımınıñ taratqan soñğı derekterine qarağanda, AQŞ pen Iran arasındağı qarım-qatınas äskeri şabuıldar, özara soqqılar jäne Ormuz bwğazınıñ qauipsizdigi töñiregindegi teketirespen sipattaluda. Osı twsta AQŞ-tıñ prezidenti Donal'd Tramptıñ Iran tarapı Dohada beybit kelissözder ötkizuge kelisti degen mälimdemesi halıqaralıq qoğamdastıqtıñ nazarın qayta audardı.

Teketires pen soqqılar: Sätsiz kelissözderdiñ saldarı

Soñğı uaqıtta Parsı şığanağı aymağında äskeri belsendiliktiñ artqanı bayqaladı. Derekközderdiñ habarlauınşa, taraptar arasındağı kelissözderdiñ uaqıtşa toqtauı nemese tiisti deñgeyde jürmeui aymaqtağı zımırandıq soqqılar men qarulı qaqtığıstardıñ üdeuine äkelip soqtırğan. Äsirese, älemdik mwnay tasımalınıñ negizgi küretamırı sanalatın Ormuz bwğazındağı qauipsizdik mäselesi bastı kün tärtibine şıqtı. Bwğazdağı äskeri patrul'derdiñ küşeytilui men strategiyalıq nısandarğa jasalğan şabuıldar taraptardıñ resmi reakciyasın qajet etip otır.

Doha kelissözi: Jaña mümkindik pe, älde sayasi oyın ba?

Aqparattıq keñistiktegi eñ eleuli jañalıq – AQŞ-tıñ  prezidenti Tramptıñ Iran biliginiñ Qatar astanası Doha qalasında beybit kelissözder üsteline otıruğa kelisim bergendigi turalı mälimdemesi boldı. Bwl habar soñğı qaqtığıstardan keyin jağdaydı beybit arnağa bwrudıñ jalğız jolı retinde qarastırıluda. Degenmen, sarapşılar bwl mälimdemege saqtıqpen qarap otır, sebebi Tegeran men Vaşingtonnan äli de resmi rastau nemese naqtı şarttar jariyalanğan joq. Qosımşa mälimetterdiñ şekteuli boluına baylanıstı, bwl qadamnıñ şınayı nätije bererin uaqıt körsetedi.

Halıqaralıq sarapşılar:

«Parsı şığanağındağı kez kelgen twraqsızdıq jahandıq energetika narığına tikeley soqqı bolıp tiedi. Sondıqtan Dohadağı ıqtimal kezdesu tek eki el üşin emes, älemdik ekonomika üşin mañızdı» – deydi.

Jahandıq narıq pen aymaqtıq twraqtılıq mañızı

Bwl bağıttağı kez kelgen oñ nemese teris özgerister Parsı şığanağınıñ qauipsizdigine, diplomatiyalıq procesterge jäne eñ bastısı, energetikalıq marşruttardıñ twraqtılığına tikeley äser etedi. Eger zımıran soqqıları toqtamay, Ormuz bwğazındağı keme qatınası bwğattalatın bolsa, bwl älemdik mwnay bağasınıñ kürt ösuine alıp kelui mümkin. Qazaqstan siyaqtı mwnay eksporttauşı elder üşin bwl narıqtağı bağa kon'yunkturasına äser etkenimen, jalpı jahandıq qauipsizdik twrğısınan aymaqtağı soğıs otınıñ twtanuı ülken qater tudıradı.

Qazirgi tañda halıqaralıq baqılauşılar taraptardıñ resmi mälimdemelerin kütude. Twraqsız aqparattıq ağım jağdayında oqiğanıñ naqtı saldarın nazarda wstap, tekserilgen mälimetterge süyenu mañızdılığı artıp otır. «QazaqTimes» aqparat agenttigi Tayau Şığıstağı ahualdıñ damuın jiti baqılap, oqırmandı jaña derektermen qwlağdar etpek.

The Qazaq Times