Ötken jıldıñ mausım ayında Jetsu oblısı, Balasaz auılında küyeuniñ qolınan qaza bolğan Ayzat Jwmanovanıñ ölimine qatıstı sot ükimi 09 qañtar küni Taldıqorğan qalasındağı mamandandırılğan sot zalında oqıldı. Bwl Qazaqstandağı twrmıstıq zorlıq-zombılıq isteriniñ qalay qaralatının tağı bir märte kün tärtibine şığardı. Sot Aybar Janbolattı Qılmıstıq kodekstiñ 99-babı 1-böligi boyınşa kinäli dep tanıp, 14 jılğa bas bostandığınan ayırdı. Alayda bwl ükimniñ özi daulı mäselelerdi tolıq japtı deu qiın.

Birinşiden, istiñ bastapqıda 106-bappen («Densaulıqqa qasaqana auır ziyan keltiru») qozğalıp, keyin ğana 99-bapqa qayta saralanuı tergeu kezeñindegi olqılıqtardı ayqın körsetti. Jäbirlenuşi taraptıñ aytuınşa, eksgumaciyasız bwl özgeris mülde bolmauı mümkin edi. Bwl — ölimmen ayaqtalğan zorlıq-zombılıq isterinde bastapqı qwqıqtıq bağa berudiñ qanşalıqtı mañızdı ekenin körsetetin mısal.

Ekinşiden, jäbirlenuşi tarap isti 99-baptıñ 2-böligimen saralau jönindegi talabı sotta qanağattandırılmadı. Al bwl bapqa saralanğan jağdayda jaza neğwrlım qatañ qarastırılar edi. Prokuror 15 jıl swrağanımen, sot 14 jılmen şekteldi. Formaldı türde bwl – zañ şeñberindegi şeşim. Alayda marqwmnıñ tuıstarı men qoğam üşin bwl jaza ädilettilik sezimin tolıq ötey almadı.

Üşinşiden, ükimnen keyingi apellyaciya mäselesi bwl istiñ äli de jalğasatının añğartadı. Jäbirlenuşi taraptıñ advokattarı auruhanağa jetkizu sätindegi jağdayğa kümän keltirip otır. Eger bwl uäj apellyaciyalıq instanciyada däleldense, istiñ qwqıqtıq bağası qayta özgerui mümkin.

Bwl sot procesi bir adamnıñ tağdırınan äldeqayda keñ mäseleni körsetip berdi. Ol – twrmıstıq zorlıq-zombılıqqa qatıstı isterdiñ der kezinde äri qatañ saralanbauı, tergeudiñ bastapqı kezeñindegi nemqwraylılıq jäne jäbirlenuşi taraptıñ wzaq küresuge mäjbür boluı.

Ayzat Jwmanovanıñ isi qoğamğa bir swraqtı aşıq qaldırdı: Qazaqstanda otbasındağı zorlıq-zombılıq ölimmen ayaqtalğan kezde, ädilet tek sot zalında emes, tergeudiñ alğaşqı küninen bastap tolıq qamtamasız etile me? Älde istiñ ilgeri jıljuına ärdayım qoğamdıq rezans tuıp otıruı şart pa? Äs äuelde 106 bappen qozğalğan, artınşa jwrt şu kötergen soñ barıp 99 bapqa auısqan-twğın.