9 aydıñ işinde Almatı men Jetisu oblıstarında qwrılısı ayaqtalğan joldardan 481 aqau anıqtalğan. Onıñ 380-nen astamı respublikalıq mañızı bar küre joldar. Bwl turalı «Jol aktivteri wlttıq sapa» ortalığınıñ Almatı oblıstıq filial ökilderi ayttı. Mäselen, Almatı-Ekaterinburg bağıtındağı tas jolda qwrılıstıñ jürip jatqanına 3 jıldan astam uaqıt ötken. Asfal'ttıñ qalıñdığı 12 santimetr, al eniniñ wzındığı 9 metr 75 santimetrden kem bolmauı tiis. Mamandar bwğan deyin däl osı uçaskede üş birdey aqaudıñ anıqtalğanın aytıp otır. Jol aktivteri wlttıq sapa ortalığı Almatı oblıstıq filialınıñ bölim basşısı Ruslan Qaşqınbaydıñ aytuınşa, äsirese tehnikalıq qauipsizdikti saqtau da olqılıqtar ketedi.

«Ol aynalma jol, şwñqırlar bolğan, ekinşiden, tehnikalıq qauipsizdik saqtalmağan, kaskaların kimegen jwmısşılar. Üşinşiden, jol-qwrılıs materialı dwrıs bolmağan. Betondar, armaturalar jabılmağan, aşıq auada bolğannan, astında tösenişteri bolmağannan keyin dwrıs saqtalmağan» - dedi Jol aktivteri wlttıq sapa ortalığı almatı oblıstıq filialınıñ bölim basşısı Ruslan Qaşqınbay.

Joldıñ sapasın naqtı anıqtau üşin wlttıq sapa ortalığı asfal'ttı oyıp, sınama aladı, Alayda kernniñ qay uçaskeniki ekeni qwpiya saqtalıp, QR-kod arqılı zerthanağa tapsırıladı. Toğız ay işinde Almatı qalası men oblısı jäne Jetisu oblısınan 2 mıñ 500 sınama ötkizilgen. Respublikalıq mañızı bar trassadan alınğan sınamanıñ 25, qala men auıl işiliki joldardan alınğandarınıñ 40 payızı talapqa say bolmay şıqqan.