Advokatı Abzal Aydarohanov sottan küdikti Qalas Nwrpeyisovke tergeu kezinde qısım jasalıp, saldarınan onıñ öz-özine qol jwmsauına mäjbür bolğanın ayttı. Onıñ sözinşe, tergeu zañı saqtalmağan, sol sebepti de Nwrpeyisovti aqtau qajet.

– Tergeu kezinde rwqsat etilmegen ädister qoldanılğan. İsti bolıp, Türkisib audandıq sotı ükim şığarğan bes adam Nwrpeyisovke qarsı kuälik etken. Olardıñ biri kuä boludan bas tartsa, endi biri kuälik beruge mäjbürlegenin ayttı. Tağı bir adam eşqanday kuälik bermegenin, toltırılğan qağazğa qol qoyıp bergenin mälimdedi. Bwnıñ barlığı zañ bwzuşılıq. QR QK 272-babınıñ 1-böligi, 200-babınıñ 2-böligi, 191-babınıñ 1-böligi, 269-babınıñ 3-böligi boyınşa aqtaudı swraymın, – dedi advokat.

Bwdan bölek, advokat Qalas Nwrpeyisovke tergeu kezinde oppoziciyalıq sayasatker Janbolat Mamay men sayasi belsendi Darhan Uälievke qarsı kuälik etu wsınılğanın ayttı. Onıñ sözinşe, Nwrpeyisov bwl wsınıstan bas tartqan. Qalas Nwrpeyisovtiñ özi advokatınıñ aytqandarımen kelisetinin ayttı.

Aygerim Tileujan özine tağılğan ayıptı moyındamaydı. Onıñ sözinşe, barlıq ayıp, tek kuägerlerdiñ sözi negizinde jinaqtalğan.

– Mağan tağılğan barlıq ayıp tek ğana kuägerlerdiñ sözderinen qwrılğan. Olardıñ köpşiligi kuälikti qısımmen bergen. Mağan qatıstı birde-bir saraptama joq. Saraptama jasalğan video bizdiñ şağımımızdan keyin isten alınıp tastaldı. Videoda meniñ äuejayda 19 minut jürgenim, eşnärseni şağuğa, halıqtı bir närseni wrlauğa, tonauğa şaqırmağanım belgili. 12 kuäger bar. Olardıñ 10-ı özderine qısım jasalğanın ayttı, – dedi Tileujan.

Aygerim Tileujan istiñ sayasi tapsırıs ekenin ayttı. Ol bwğan dälel retinde bas prokuror Berik Asılovtıñ parlamentte söylegen sözin mısalğa keltirdi.

– Bas prokuror Berik Asılov men jäne Qalas Nwrpeyisovti Kärim Mäsimovpen (Qañtar oqiğasınan keyin 18 jılğa sottalğan WQK bwrınğı basşısı – red)  birge atap, «Ekstremister Almatı äuejayın basıp almaq boldı» dep birqatar zañsızdıq jasap, jalğan aqparat tarattı. Men eşqanday dini-ekstremistik wyımnıñ müşesi emespin. Biz osığan baylanıstı WQK men prokuraturağa saual joldap, jauap aldıq. Ol meniñ abıroyıma nwqsan keltiretin aqparat tarattı. Sonımen qatar, kinäsizdik prezumpciyasın bwzdı. YAğni sot bolmay jatıp, bizdi ayıptap, sottap jiberdi. Äu, basta bwl sayasi tapsırıs bolğan. Bwl elge biz men siyaqtı jurnalist, Qalas Nwrpeyisov siyaqtı mwğalim, mına jigitter siyaqtı patriottar kerek emes bolıp twr, – dedi ol.

Qañtar oqiğası kezinde äuejaydı basıp alu» isi boyınşa bes adamnıñ sotı biıl 30 naurızda bastalğan. Tergeu orındarı bwl is boyınşa jurnalist Äygerim Tileujanğa, belsendi Qalas Nwrpeyisovke, Nwrlan Dälibaevqa, Ermwhamet Şilibaevqa, Janaydar Kärmenovke ayıp taqqan. Äygerim Tileujan üyqamaqta, özge törteui bıltır köktemnen beri tergeu abaqtısında qamauda otır.

Ayıptau qorıtındısında Äygerim Tileujan men Qalas Nwrpeyisov Qañtar oqiğası kezinde Almatı äuejayında narazı toptıñ aldında «bilikke qarsı sözder aytıp, olardı zañsız is-äreketke aydap salıp, jappay tärtipsizdik wyımdastırğan» dep körsetilgen. 20 mausımda ötken sot otırısında olardıñ «jappay tärtipsizdik wyımdastırğanın» köresetetin videonı sud'ya «jetkilikti dälel bola almaydı» dep isten alıp tastağan.

Küdiktilerdiñ barlığı sot barısında tağılğan ayıptı moyındamaytındarın birneşe ret aytqan. Aygerim Tileujan men Qalas Nwrpeyisov bilikti aşıq sınaytın azamattıq belsendi retinde tanılğan. Al Nwrlan Dälibaev, Ermwhamet Şilibaev jäne  Janaydar Kärmenov bwğan deyin belsendiligimen közge tüspegen.

İs boyınşa küdikti dep tanılğan Aygerim Tileujan – jurnalist, audarmaşı, Qalas Nwrpeyisov – tarih päniniñ mwğalimi, Nwrlan Dälibaev, Ermwhamet Şilibaev,  Janaydar Kärmenov – taksi jürgizuşisi bolıp jwmıs istegen.