Resey Federaldıq qauipsizdik qızmeti qarulı bülikke şaqırğanı üşin "Vagner" jekemenşik äskeri kompaniyasınıñ jetekşisi Evgeniy Prigojinniñ üstinen qılmıstıq is qozğadı. Bwl jöninde Resey Bas prokuraturası habarladı. Bwl bap boyınşa eñ joğarğı jaza – 20 jıl. Bwl turala Azattıq radiosı jazdı.

Jwma küni Evgeniy Prigojin "Vagner" jauıngerlerin artilleriya men äskeri tikwşaq kömegimen atqılap jatır dep Resey qorğanıs ministrligin ayıptağan. Onıñ aytuınşa, osınıñ kesirinen onıñ äskerileri qaza tapqan.

Jwma küni keşke Prigojinniñ telegram-arnasında dauısı sonikine wqsaytın adam "eldiñ äskeri basşılığına qarsı" bülik bastap, "ädildik ornatatının" mälimdedi. Ol jwrttı "qarsılıq bildirmey beriluge" şaqırdı jäne qaramağında 25 mıñ sarbaz bar ekenin eskertti. Biraq eldiñ sayasi basşılığın basıp alu oyı joq ekenin, "prezident biligi, işki ister ministrligi, ükimet jäne basqa da qwrılımdar bwrınğı qalıppen jwmıs istey beretinin" ayttı.

Onıñ aytuınşa, jwma küni "Vagner" tobınıñ közin joyu üşin" Reseydiñ Dondağı Rostov qalasına qorğanıs ministri Sergey Şoygu kelip, qayta "qaşıp ketken". Resey qorğanıs ministrligi Prigojinniñ atınan tarap jatqan aqparattıñ bäri şındıqqa janaspaytının, tek arandatu maqsatında taratılıp jatqanın ayttı.

Azattıqtıñ Orıs qızmetiniñ habarlauınşa Mäskeu men Dondağı Rostovta "Bekinis" josparı bastalğan. Rostov köşelerinde äskeri tehnika jür, key köşeler jabılğan.

VVS-diñ habarlauınşa Mäskeude FSB basqarması men äskeriler dabıl boyınşa jwmıldırılğan. Mäskeu men Rostov arasındağı federaldıq trassağa blokposttar qoyılğan. Resey astanasındağı memlekettik mekemelerdiñ mañına küzet qoyıldı degen derekter bar. Key sarapşılar Reseyde "azamat soğısı bastaldı" degen de pikir jazıp jatır.

Jwma küni jariyalanğan jartı sağattıq videomälimdemesinde Prigojin Ukrainağa şabuıl negizsiz bolğanın, el basşılığı Resey halqın "aldap otırğanın" aytqan.