«Altınşı qañtar» blogınıñ müşesi, täuelsiz jurnalist Duman Mwhammedkärim mäjilis saylauına kandidaturası ötpey qalğanın habarladı. Bwl turalı Masa media jazdı.

– Qaskeleñde ornalasqan №12 saylau okrugı komissiyası meniñ kandidaturamdı ötkizbey tastadı. Olar «soñğı on jılda Qazaqstannıñ ärtürli qalasında twrğansıñ» dep ötkizbedi. Zañ boyınşa soñğı on jılda Qazaqstan aumağında twrsañ boldı. Komissiya müşeleri meni «QR Konstituciyasınıñ 51 babınıñ 4 tarmağında körsetilgen talaptarğa säykes kelmeydi» dep jazıptı qwjatta. Biz meni ötkizbeytinderin bildik. Bwl jerde spektakl' boldı, – dedi Mwhammedkärim.

Ol sotqa şağımdanatının ayttı. Biraq uaqıt tığız bolğandıqtan saylauğa deyin ülgermeytin şığarmın deydi.

– Sotqa şağımdanatın bolamız. Biraq uaqıt tığız. Saylau dodasına qaytadan qosıla alam ba, joq pa bilmeymin. Bizdiñ sottardıñ qanday ekenin bilesizder ğoy. Toqaevtıñ «Jaña Qazaqstanınıñ» siqı osınday. Biraq bäribir şağımdanamız, – dedi ol.

20 jıldan astam uaqıt memlekettik telearnada istegen Duman Mwhammedkärim bıltır «Ne deidi» yutub arnasın aşqan. Onı Qañtar oqiğası kezinde qaza tapqandardıñ tuıstarı men azaptalğan adamdardan alğan swhbattarı köpşilikke tanıttı. Ol 2022 jıldıñ qazan ayında «zañsız mitingige şaqırdı» degen ayıppen 15 täulikke qamalıp şıqqan. Qazir onıñ yutub arnasında 130 mıñnan astam jazıluşı bar.

Osıdan biraz uaqıt bwrın Almatıda bir top belsendi mäjilis jäne mäslihat saylauına qatısu üşin «Altınşı qañtar» blogın qwratındarın mälimdegen. Osı bloktıñ atınan jurnalist Dinara Egeubaeva, täuelsiz baqılauşı Araylım Nazarova jäne t b saylauğa qatısu üşin qwjattarın tapsırğan.