Qazaq tarihına qanmen qara tañbasın basıp ketken 2022 jıl – "barıs" jılı ketip qaymana halıqqa ümit otın sıylağan qoyan jılı kelip jatır. Qoyan jılı qorqıtpay quanışımen kelsin!

Ötken barıs jılındağı aq jüzin qan, aq etegin jas juğan jandardıñ janarına jaqsılıqtıñ jarqılı ornasın! El tarihına 238 adamnıñ qanımen, erkindik talap etip beybit oyın aytuğa şıqqan neşe jüzdegen adamdardıñ azaptaluımen este qalğan "barıs" jılı qaytadan qaytalanbasın! Ötken tarihmızdağı qıiındıqtarğa tolı bolğan naubetti auır jıldardıñ kesepatı tarih qoynauında qalıp bara jatqan barıs jılımen birge ketip, kele jatqan jıl jaqsılığımen kelsin!

Kelip jatqan jaña jıl qarsañında jalpı qazaqstandıqtardı, alıs-juıq şeteldegi qandastarımızdı, jer betindegi barşa adamzat balasın kele jatqan jaña jılımen şın jürekten qwttıqtaymız! Jaña jıl jaqsılığımen, igiligimen, qayırımen kelsin! Älemde bolıp jatqan qiınşılıqtar, qayşılıqtar, dağdarıstar soğıssız, beybit şeşimin tauıp, barşamızdıñ ortaq älemimiz güldene bersin! Jaratuşı sın sağattarda adamzat balasınıñ jüregindegi izgilik, meyirim, mahabbat sezimderin ala körmesin! Elimiz aman, jwrtımız tınış bolıp, Qoyan jıl baqıt äkelsin!