Qırğızstan parlamenti Azat Europa/Azattıq radiosınıñ qırğız qızmeti "Azattıq media" jurnalisterine berilgen akkreditaciyanı uaqıtşa toqtattı,-dep jazdı Azattıq radiosı.

Bwl jöninde 16 qaraşada parlamenttiñ baspsöz qızmeti habarlap, onıñ sebebin mädeniet, aqparat, sport jäne jastar sayasatı ministrliginiñ Azattıq saytın eki ayğa bwğattuımen tüsindirdi.

Jogorku Keñeşten habar taratu üşin jurnalister parlamenttiñ baspasöz qızmetinen akkreditaciya aluı tiis.

26 qazanda Qırğızstenniñ aqparat ministrligi "Azattıq media" qızmetiniñ veb-saytın eki ayğa jabu turalı şeşim şığarğan.

31 qazanda radionıñ "Demirbanktağı" esebi eskertusiz Azattıqtıñ esep-şotın bwğattağan. Birinşi radio tehnikalıq sebepterdi alğa tartıp, Azattıq habarların taratudı 23 qazannan bastap toqtattı. 13 qaraşadan bastap NTS kanalı Azattıqtıñ tele jäne radio habarların äueden şığarmay tastadı.

Azat Europa/Azattıq radiosınıñ prezidenti Djeymi Flay Azattıq radiosı senimdi, şınayı aqparat bwlağı ekenin jäne eşbir kedergisiz jwmıs isteuine rwqsat berilui tiis ekenin mälimdegen.

Birqatar halıqaralıq wyımdar qırğız biligin "Azattıq medianıñ" saytına jäne bank esep-şotına qoyılğan bwğattı tezirek alıp tastauğa şaqırdı.