Foto: stan.kz

16 qaraşada Almatı «jwrtşılığımen» kezdesken prezident Qasım-Jomart Toqaev Qañtar oqiğası jöninde ayttı. Bwl jöninde «Azattıq» radiosı habarladı.

Toqaev «col qiın künderde bükil Qazaqstan halqı almatılıqtardıñ tileuin tiledi. Ökinişke qaray, qazir keybireuler qılmıstıq äreketti halıq köterilisi dep aqtauğa tırısıp jür» dep mälimdedi, alayda kimderdi aytqanın naqtılamadı.

«Halıqtıñ beybit şerui men qaraqşılar jasağan qandı qılmıstıñ arasın ajırata bilu kerek» degen prezident biliktiñ «jedel jäne batıl äreketiniñ arqasında» elde «tärtip dereu ornadı» dedi.

«Qabıldağan şeşimderimiz jäne is-äreketimiz bükil dünie jüzinde tüsinistikpen moyındaldı, tipti, qoldau taptı» dedi Toqaev.

Qazan ayında «Almatı oblısı jwrtşılığımen kezdesu» kezinde de Toqaev «bwzaqılar men lañkesterden batır jasaudıñ eş qajeti joq» dep osığan wqsas mälimdeme jasağan edi.

16 qaraşada Toqaev Qañtar kezinde "eldegi jağdaydı ädeyi uşıqtırğan adamdar" bolğanın jetkizdi. Prezidenttiñ aytuınşa, olar «qoğamdı ıdıratudı» közdep, «türli amaldarmen narazı köñil-küydi arttırğan».«Jwrttı köşege şığuğa ündep», «onsız da kürdeli jağdaydı» uşıqtırğan. Biraq aqır soñına qaray «üylerine tığılıp», «jağday qalpına kelgende ädilet pen azamattardıñ igiligin qalaytın tärizdi alañğa qayta şıqqan».

«Olar üşin bwl änşeyin oyın, olardı äleumettik jelidegi tanımaldıq pen jasırın demeuşilerdiñ nazarı ğana qızıqtıradı» dedi. Toqaev mwndaydı «saylau aldında aytu» qalıptaspağan täjiribe ekenin, alayda «ädilin aytudı» jön körgenin jetkizdi.

Qañtar kezinde qaza bolğan 238 adamnıñ basım böligi Almatıda köz jwmğan. Toqaev Qañtar kezinde «20 mıñ terrorist şabuıldadı» dep mälimdep, küş qwrılımdarına «eskertusiz oq atuğa bwyrıq» bergen. Alayda keyin bilik «20 mıñ terrorist» jaylı mälimdemeni joqqa şığarğan.

Bilik qaza tapqandar arasında kezdeysoq oqqa wşqandar bar ekenin moyındağanımen, marqwmdardıñ köbiniñ üstinen terrorizm, jappay tärtipsizdik, qaru wrlau, tonau, mülik joyu baptarımen is qozğağan. İsti bolğan marqwmdardıñ tuıstarı negizsiz jala jauıp otır, tergeuşiler dälel keltirmey otır dep şağımdanğan. Osığan deyin keybir sarapşılar Qañtar oqiğasınan beri on ay ötse de, Toqaevtıñ "lañkester" jaylı mälimdemesin rastaytın dälel tabılmağanın aytqan.

Halıqaralıq wyımdar resmi Astananı Qañtar oqiğasın tergeuge kömektesuge ınta bildirse de, Qazaqstan biligi wsınıstı qabıldamağan.

Toqaevtıñ «Almatı jwrtşılığımen kezdesuiniñ» qayda ötetini aldın ala habarlanbadı. Aqorda habarlamasında da qayda ötip jatqanı aytılmaydı. Särsenbi küni qalada policeyler köbeyip, kölik keptelisi payda boldı.

Toqaev «Almatı jwrtşılığımen» kezekten tıs prezident saylauına sanaulı künder ğana qalğan şaqta kezdesip otır. Şamamen 2 mln halqı bar Qazaqstandağı eñ iri qala soñğı saylaularda saylauğa qatısu belsendiligi jäne bilik kandidatın qoldau boyınşa eñ tömen körsetkiş körsetken.