Qañtar oqiğası kezinde Taldıqorğandağı äskeri bölim mañında malşını atıp tüsirdi dep ayıptalğan Mark Zlunyaev. Almatı, 16 qaraşa 2022 jıl. Foto: Asılhan Mamaşwlınan alındı

Almatı sotı Qañtar oqiğası künderi Taldıqorğan qalasındağı äskeri bölim mañında mal bağuğa şıqqan 24 jastağı Ernazar Qırıqbaevqa oq attı dep ayıptalğan küdikti Mark Zlunyaevti altı jıl türmege kesti. Bwl jöninde sot zalınan Azattıq tilşisi habarladı, -dep jazdı Radio Azattıq.

Taldıqorğan qalasındağı şabuıldauşı äskeri desant böliminiñ qızmetkeri Mark Zlunyaev särsenbi küni sot zalınan birden qamauğa alındı.

Eki tarap ta sot ükimimen kelispedi. Zlunyaevtiñ advokatı äskeri qızmetker Qañtar kezinde "mindetin orındap, äskeri bölimdi qorğadı, sol üşin onı aqtau kerek" dedi. Al jäbirlenuşi jaqtıñ advokatı "isti bilik ökiletin asıra paydalanu emes (451-bap), qasaqana adam öltiru babı (99-bap) boyınşa qarauı tiis edi" dedi.

Ötken aptada malşı ölgen jerde köşpeli sot ötip, sol kezde advokat "medicina qızmetkeri malşı men atınıñ jol boyında ölgenin ayttı, bwl malşını şauıp kele jatqanda emes, jol boyında ketip bara jatqanda atqanın däleldey tüsedi" degen edi.

Al onıñ aldındağı sotta Taldıqorğan qalasındağı şabuıldauşı äskeri desant böliminiñ basşıları "oqqa wşqan Ernazar Qırıqbaev äskeri bölimge qauip töndiretin jerge deyin jaqındağanın", küdiktiniñ äreketi dwrıs bolğanın aytqan.

Särsenbi küni sotta jäbirlenuşi jaqtıñ advokatı artında äyeli men bes balası qalğan marqwmnıñ otbasına materialdıq-moral'dıq şığın retinde 65 mln teñge öndirip alu boyınşa azamattıq şağım tüsiretinin de ayttı.

24 jastağı Ernazar Qırıqbaev qañtardıñ besinde Taldıqorğan qalasındağı äskeri garnizon şetinen ötip bara jatqanda atımen qosa oqqa wşqan. Onı izdep barğan jwmısşılarğa da jauıngerler oq atıp, qol köteruge mäjbürlegen. Jauıngerler "Toqta!" degen bwyrıqqa bağınbağan salt attını atıp, jedel järdemge salıp jibergenin aytqan. Tuıstarına Ernazar Qırıqbaevtıñ denesin bir aptadan soñ ğana bergen. Oqiğanı teksergen äskeri prokuratura köp wzamay-aq "äskeri qızmetkerlerdiñ isinde qılmıstıq sipat bar" degen twjırım jasağan.

Ernazar Qırıqbaev isine baylanıstı sot 20 qazanda bastalğan.

Qañtardıñ besinde Taldıqorğanda bolğan Qañtar oqiğası kezinde birneşe adam qaza bolıp, Qazaqstannıñ bwrınğı prezidenti Nwrswltan Nazarbaevtıñ eskertkişi qwlatılğan. Dürbeleñ ayaqtalğan soñ da eki otbasığa jauıngerler oq atıp, bes adam ölgeni anıqtalğan.