Foto: sn.kz

Tirkelmegen Qaharman qwqıq qorğau tobı bilikten Qañtar oqiğası kezinde qaza bolğandar jaylı tolıq mälimet jariyalaudı talap etti. Bwl turalı Ortalıq Aziya jañalıqtar qızmeti jazdı.

Bir kün bwrın bas prokuratura qandı qırğın ötkennen soñ jeti aydan keyin Qañtar qwrbandarınıñ tizimin jariyalağan.

Alayda tizimde 238 marqwmnıñ familiyası men esiminiñ inicialı ğana jazılğan. Marqwmdardıñ qalay, qanday jağdayda qaza tapqanı jaylı aqparat joq.

"Beybit azamattardı jappay atıp, azaptağanı üşin jeke sankciyadan jaltaru maqsatında jäne onı teksermesin dep bilik tolıq tizimdi jariyalamay otır" dep jazdı Qaharman tobı 17 tamız küngi habarlamasında.

Top ökilderi habarlamada qaza bolğandardıñ tolıq atı-jöni men tuğan jılı, tuğan jeri, qanday jağdayda ajal qwşqanı jaylı mälimet jariyalaudı talap etken. Bwğan qosa, olar qaza bolğan adamnıñ qaysısı küştik qwrılım ökili, qaysısı beybit twrğın nemese beybit türde narazılıqqa qatısqanın ajıratıp körsetu qajettigin ayttı.

"Ar.Ruh.Haq" qoğamdıq qorınıñ prezidenti, qwqıq qorğauşı Baqıtjan Töreğojina da bas prokuratura tizimi jariyalanğannan keyin tizimniñ tolıq emestigin alğa tarttı.

"Almatıdağı tärtipsizdik kezinde keyingi birneşe jılda Qazaqstanda twrğan Izrail' azamatı 22 jastağı Levan Kogeaşvili atıp öltirildi. Ol nege qaza bolğan 238 adamnıñ arasında joq? Ol tizimde 239-ı bolıp twruı tiis pe? Biz öz tizimimizdi tekserip, bas prokuraturanıkımen salıstırdıq. Juırda qwqıq qorğauşılar jinağan tizimdi jariyalaymız: Atı-jöni, qala, jası, qaza bolğan küni" dep jazdı Töreğojina Facebook paraqşasında.

Bas prokuratura äzirge qwqıq qorğauşılardıñ talaptarına reakciya bildirmedi.

Qwqıq qorğauşı Baqıtjan Töreğojina jetekşilik etetin Qantar2022 eriktiler tobı bwğan deyin qaza bolğandardıñ tizimin öz betinşe anıqtap, jariyalağan edi. Onda keminde 239 adamnıñ atı-jöni körsetilgen.

Bwğan deyin Azattıq ta qaza bolğandardı öz betinşe anıqtap, arnayı paraqşa arnağan. Onda 202 adamnıñ tizimi bar.

Qaza bolğandar turalı bar aqparattı jariyalau qwqıq qorğauşılar, oppoziciya toptarı men eurodeputattardıñ Qazaqstan biligine qoyğan bastı talaptarınıñ biri bolğan. Europarlamenttiñ Qañtar oqiğası boyınşa rezolyuciyasında "2022 jılı Qañtardağı narazılıq kezindegi iri zañbwzuşılıqtarğa jauaptı" lauazımdı twlğalarğa sankciya salu turalı ündeu bar.

Qañtardıñ basında elde swyıltılğan gazdıñ qımbattauına qarsı miting ötip, narazılıqtıñ ayağı qantögiske wlasqan. Bilik şetelde dayındıqtan ötken "terrorister şabuılı" turalı ayttı, biraq oğan dälel-ayğaq keltirgen joq. Prezident Qasım-Jomart Toqaev küştik qwrılımğa eskertusiz oq atuğa bwyrıq bergenin mälimdedi. Ol sonımen birge elde bilikti küşpen basıp alu talpınısı bolğanın ayttı, alayda onı kim wyımdastırğanın naqtılamadı.

Resmi derek boyınşa, Qañtar oqiğasında 232 adam qaza boldı. Bwğan qosa, oqiğa kezinde wstalğan tağı altı adamnıñ tergeu izolyatorında köz jwmğanı belgili boldı. Bilik qoğam talabına qaramastan opat bolğandardıñ esimin jariyalamay kelgen edi.

Qañtar oqiğası kezinde jäne odan keyin mıñdağan azamat wstalıp, jüzdegen adamğa "terrorizm", "jappay tärtipsizdik wyımdastıru", "zañsız qaru-jaraq saqtau" sekildi ayıptar tağıldı. Qamauda bolğandardıñ arasında azaptalğanın aytıp şağımdanğandar köp, biraq olardı azaptau faktisi boyınşa wstalğandar neken-sayaq.

Halıqaralıq jäne jergilikti qwqıq qorğauşılar Qazaqstan biligin qañtar qırğının täuelsiz jäne jan-jaqtı zertteuge şaqırğan. Qazaqstannıñ biligi odan bas tartqan.