Putin yadrolıq arsenalın dayındıqqa qoyğanın eskertip keledi. Foto: Euronews

Resey Ukrainada degenine jete almasa yadrolıq qaruın paydalanuı mümkin be? Bwl qazir AQŞ barlau qızmetin oylandıratın bastı swraqtıñ birine aynaldı. AQŞ barlau qızmetiniñ joğarı jetekşileri Resey Ukrainada «ümitsizdikke tap bolsa» Kreml' yadrolıq arsenalınıñ bir bölimin bosatuı mümkin dep alañdaydı.

Keşe, AQŞ Ortalıq barlau agenttiginiñ (OBA/CIA/CRU) direktorı Uil'yam Berns älemdi alañdatqan osı mäsele boyınşa öz pikirin ortağa saldı. Ol Georgia Tech studentterimen kezdesudegi sözinde: «Älem Resey prezidenti Vladimir Putindi tömen bağalamauı kerek», – degen pikir ayttı. Bernstıñ pikirinşe, Reseydiñ täuekelge degen «täbeti» sırtqı qısımdarğa da baylanıstı bolatının, «täuekel senimi qısqan sayın küşeye tüsui» mümkin.

Soğıs bastalğan şaqta Putin NATO elderine eskertu negizinde, sırtqı taraptan äskeri aralasu bolğan jağdayda yadrolıq qarudı qoldanuğa bwyırarın ayttı. Al, beysenbide Putinniñ eñ senimdi kadrlarınıñ biri, eks-prezident Dmitriy Medvedev eskertu jasap, eger Şveciya men Finlyandiya NATO al'yansına qosıluğa şeşim qabıldasa, Resey Baltıq jağalauında yadrolıq oqtwmsıqtardı ornalastıra bastaytının ayttı. Medvedev sözinde Resey Kaliningradta oqtwmsıqtarın ornalastıruı mümkin ekenin ayttı. Ol atağan Kaliningrad - Baltıq teñizindegi Resey anklavı, Berlinnen ara qaşıqtığı 500 şaqırımğa jetpeydi, al London men Parijden 1400 şaqırımnan az qaşıqtıqta ornalasqan.

Degenmen, Europalıq elder üşin bwl jañalıq dep sanalması anıq. Pol'şağa tiip twrğan anklavtıñ bastı strategiyalıq maqsatı ne ekenin wdayı añdısıp otırğan elder jaqsı biledi. Dese de bwl Europadağı qayşılıqtı jaña deñgeyge köterui mümkin.

CIA jetekşisi sözinde Vladimir Putin men özge reseylik jetekşilerdiñ bwğan deyingi qayşılıqtar men äskeri qaqtığıstardağı qısımğa qarsı wstanımdarın eskergende, qazirgi jağdayda yadrolıq qauiptiñ jeñil de bolsa mümkindikteri bar ekenin eskertedi. Onıñ pikirlerinen añğarğanımızday, Amerika Qwrama Ştattarı Reseyden tönetin yadrolıq qauipten köri,  Vladimir Putin bastağan Kreml'diñ «Reseydiñ sayasi ıqpal etu aumağın qalpına keltiruge dayınbız» dep oylauı jäne onıñ saldarı köbirek alañdatadı.

The Qazaq Times