Jeltosqannıñ 16-ı küni 2011 jılı bolğan Jañaözen oqiğasına 10 jıl boldı. Osığan baylanıstı "Politon" bağdarlamasında "Jañaözen aqiqatı aşıldı ma? On jılda ne özgerdi?" taqırıbında talqılau ötti. Oğan zañger Abzal Qwspan men sayasi belsendi Maks Boqaev qatıstı. 

Bağdarlama barısında Abzal Qwspan 2011 jılı Jañaözende oq atuğa bwyrıq beruge Respulikanıñ eñ joğarı basşılığınıñ qatısı bar degen sol kezde qwrılğan komissiya qorıtındısımen tolıq kelisetinin aytadı.

«Sol uaqıtta Jañaözen oqiğasına baylanıstı arnayı komissiya qwrıldı. Oğan Rısbek Särsenbaywlı, Bolat Abilov siyaqtı köp tegen azamattar qatıstı. Solar bwl oqiğağa Respublikanıñ eñ joğarğı basşılığınıñ qatısı bar degen qorıtındığa keldi. Men sol qorıtındımen kelisemin»,- dedi Qwspan.

Maks Boqaev policiya joğarıdan oq at degen bwyrıq bolmasa eş uaqıtta onday qantögiske barmaydı dep esepteydi. Onıñ sözinşe, policiya osı uaqıtqa deyin joğarıdan kelgen nwsqaulıqpen jwmıs istep kelgen. 2011 jılı Jañaözende halıqqa qarsı qaru qoldanuğa joğarıdan rwqsat berilgen.

«Policiya joğarıdan tapsırma bolmasa onday qantögiske eşqaşanda barmaydı. Onı biz oğan deyin de, odan keyin de körip jürmiz... 2011 jıldıñ 16 jeltoqsanında barlığımız naqtı kördik. Közdep attı, qwlağan adamdardı barıp sabadı. Policiyağa joğarıdan naqtı rwqsat berdi. Qatañ türde qanday da bir qwraldı, qarudı paydalanıp ereuildi toqtatıñdar degen rwqsat berilgen», - deydi Boqaev.

;t=20s