جەلتوسقاننىڭ 16-ى كۇنى 2011 جىلى بولعان جاڭاوزەن وقيعاسىنا 10 جىل بولدى. وسىعان بايلانىستى "پوليتون" باعدارلاماسىندا "جاڭاوزەن اقيقاتى اشىلدى ما؟ ون جىلدا نە وزگەردى؟" تاقىرىبىندا تالقىلاۋ ءوتتى. وعان زاڭگەر ابزال قۇسپان مەن ساياسي بەلسەندى ماكس بوقاەۆ قاتىستى. 

باعدارلاما بارىسىندا ابزال قۇسپان 2011 جىلى جاڭاوزەندە وق اتۋعا بۇيرىق بەرۋگە رەسپۋليكانىڭ ەڭ جوعارى باسشىلىعىنىڭ قاتىسى بار دەگەن سول كەزدە قۇرىلعان كوميسسيا قورىتىندىسىمەن تولىق كەلىسەتىنىن ايتادى.

«سول ۋاقىتتا جاڭاوزەن وقيعاسىنا بايلانىستى ارنايى كوميسسيا قۇرىلدى. وعان رىسبەك سارسەنبايۇلى، بولات ابيلوۆ سياقتى كوپ تەگەن ازاماتتار قاتىستى. سولار بۇل وقيعاعا رەسپۋبليكانىڭ ەڭ جوعارعى باسشىلىعىنىڭ قاتىسى بار دەگەن قورىتىندىعا كەلدى. مەن سول قورىتىندىمەن كەلىسەمىن»،- دەدى قۇسپان.

ماكس بوقاەۆ پوليتسيا جوعارىدان وق ات دەگەن بۇيرىق بولماسا ەش ۋاقىتتا ونداي قانتوگىسكە بارمايدى دەپ ەسەپتەيدى. ونىڭ سوزىنشە، پوليتسيا وسى ۋاقىتقا دەيىن جوعارىدان كەلگەن نۇسقاۋلىقپەن جۇمىس ىستەپ كەلگەن. 2011 جىلى جاڭاوزەندە حالىققا قارسى قارۋ قولدانۋعا جوعارىدان رۇقسات بەرىلگەن.

«پوليتسيا جوعارىدان تاپسىرما بولماسا ونداي قانتوگىسكە ەشقاشاندا بارمايدى. ونى ءبىز وعان دەيىن دە، ودان كەيىن دە كورىپ ءجۇرمىز... 2011 جىلدىڭ 16 جەلتوقسانىندا بارلىعىمىز ناقتى كوردىك. كوزدەپ اتتى، قۇلاعان ادامداردى بارىپ سابادى. پوليتسياعا جوعارىدان ناقتى رۇقسات بەردى. قاتاڭ تۇردە قانداي دا ءبىر قۇرالدى، قارۋدى پايدالانىپ ەرەۋىلدى توقتاتىڭدار دەگەن رۇقسات بەرىلگەن»، - دەيدى بوقاەۆ.

;t=20s