Util' alımdarğa qatıstı peticiya şıqtı. Oğan onlayn qol jinau jalğasıp jatır.

Prezident Toqaevqa arnalğan peticiyada «ROP operatorı» jinap alğan milliardtarınıñ ärbir teñgesi üşin jauap berui kerektigi, jaña kölikterdiñ halıqqa qoljetimdi boluı qajettigi aytılğan.

«Qwrmetti Qasım-Jomart Kemelwlı!

2022 jıldıñ 11 qañtarında Siz «Operator ROP» JŞS-n jabudı tapsırdıñız.

Biz, Qazaqstannıñ qarapayım avtomobil'şileri, Sizdiñ şeşimiñizdi tolığımen qoldaymız. Util'dik alımdardı jeke kompaniyağa ötkizu basınan bastap qılmıstıq äreket bolğanı mälim!

Siz mwnı aytqan bette, jağdaydı öz paydasına asıruğa talpınıp jatqan san türli alıp-satarlar men blogerler belsendilik tanıta bastadı. Biraq olar qarapayım halıqtın müddesin közdep otırğan joq.

Biz sayasatqa aralaspaymız! Qoyğan talaptarımız öte qarapayım!

Birinşiden, util'dik alımdardın kölemin qayta qarastıru. Basqa elderde, tipti önerkäsibi damığan körşiles elderde de util'dik mölşerlemelerdiñ tömen boluı dwrıs emes! Al biz ädettegidey bärinen köp töleymiz!

Ekinşiden, jaña kölikter qarapayım halıq üşin qoljetimdi bola tüsui kerek. Adamdar twrmıs jağdayı tömen bolğandıqtan, röli oñ jağında ornalasqan «al'fardtardı» Reseyde, Armeniyada jäne Qırğızstanda satıp alıp jatır. Jaña kölikterdi alğısı keletin qarapayım halıqqa, eñ bolmağanda jaqında otau qwrğan jas jäne köpbalalı otbasılarğa nege jeñildik jasamasqa? Eski kölikti ötkizgeni üşin qomaqtı tölemder jasau mümkindigi joq pa?

Üşinşiden, «Operator ROP-tı» qatañ türde memleketke qaytaru qajet. Onı barlıq jeñildikterden ayıru kerek. Ol üşin arnayı oylap tabılğan util'dik alımdı «aynaldıru» sheması joyıluı kerek. «ROP operatorı» jinap alğan milliardtarınıñ ärbir teñgesi üşin jauap berui kerek! «ROP Operatorınıñ» qanşa qarajattı özine alğanın bükpesiz körsetu kerek! Al util'dik alım aşıq boluı kerek. Halıq barlıq aqşanıñ qayda ketip jatqanınan habardar boluı kerek.

Törtinşiden, jaña memlekettik operator öziniñ tikeley jwmısımen aynalısuı kerek – el joldarın eskirgen kölikterden tazartu! Öñirler qiraudıñ säl-aq aldında twrğan, auanı lastaytın kölikterge tolı. Olar tehnikalıq tekseruden qalay ötedi? Mwnday kölik joldarda jürmeui tiis!
Bizdiñ janayqayımız sizge deyin jetedi degen ümittemiz»,-delingen peticiyada.

Util' alımmen aynalısqan kompaniyanıñ N.Nazarbaevtıñ kişi qızı Äliya Nazarbaevamen tiesili ekeni mälim bolğan.

Eldegi qañtar oqiğasınan keyin prezident Toqaev util' alımmen aynalısatın kompaniya mäselesin şeşudi, azamattardıñ talabın eskerudi aytqan edi.