AQŞ Reseydiñ qauipti äreketine qarsı qaru qoldanuı mümkin

Reseydiñ Ukraina şekarasına äsker toptauına jauap retinde AQŞ pen europalıq odaqtastarı «kütpegen äreketterdi» josparlap jatqanın mälimdedi. Köptegen elder Reseydiñ kezekti äskeri qimılı jaydan-jay emes dep qauiptenedi.

Reseydiñ 92 mıñnan astam jasağan Ukraina şekarasına toptağanın äu basta AQŞ şeneunikteri ärtürli twspaldap, şeşim qabıldauda tığırıqqa tirelgeni bar. Soñğı künderi Uaşington Mäskeudiñ bwl äreketinen qauiptene bastadı. 23 küni birqatar amerikalıq şeneunikter «soñı qalay bolmasın, AQŞ Ukrainağa qoldaudı küşeytetinin» ayttı.

Aqparat közderiniñ mälimetinşe Qwrama Ştattar Reseydiñ qauipti äreketine qarsı küresu üşin keybir quattı qarulardı qoldanuğa şeşim qabıldağan. Äri bwl arqılı bolaşaqtada osı qarulardı qoldanudan tartınbaytının körsetkisi keledi. Bwnday mälimetti VOA agenttigine atı-jönin körsetkisi kelmegen AQŞ-tıñ joğarı lauazımdısı aytqan.

«Biz Mäskeudi şieleniste azaytuğa şaqıramız, – degen esimin jasırğan amerikalıq lauazımdı, – alğaşqı qadam – zorlıq-zombılıqtı toqtatudıñ 2020 jıldıñ şildesindegi eñ tömengi deñgeyge deyin tüsirudi talap etemiz», – degen.

Osımen bir uaqıtta AQŞ Memlekettik departamenti «qanday da bir kütpegen jağdayğa jauap beruge dayınbız» denen mağınadağı mälimdeme jasadı.

Al bes-altı sağat bwrın AQŞ-tıñ Birikken ştab keñestiniñ törağası Mark Milli Resey qarulı küşteriniñ jetekşisimen telefon arqılı söyleskeni turalı mälimet taradı.

Pentagon dialog mazmwnın aşıp aytpadı, tek «qauipsizdikke qatıstı alañdatıp otırğan birneşe taqırıptar talqılanğanın» aytadı. Sonday-aq, bwl söylesu «qauipterdiñ azayuın jäne operaciyalarda qaqtığıstardıñ aldın aludı qamtamasız etu üşin eki köşbasşınıñ üzdiksiz baylanısı» dep kösetken.

Al, Ukraina men AQŞ-tıñ joğarı şendileri osı aptada birneşe ret telefon arqılı söylesip Şığıs Europadağı qauipsizdik mäselesin talqılap keledi.

The Qazaq Times