اقش رەسەيدىڭ قاۋىپتى ارەكەتىنە قارسى قارۋ قولدانۋى مۇمكىن

رەسەيدىڭ ۋكراينا شەكاراسىنا اسكەر توپتاۋىنا جاۋاپ رەتىندە اقش پەن ەۋروپالىق وداقتاستارى «كۇتپەگەن ارەكەتتەردى» جوسپارلاپ جاتقانىن مالىمدەدى. كوپتەگەن ەلدەر رەسەيدىڭ كەزەكتى اسكەري قيمىلى جايدان-جاي ەمەس دەپ قاۋىپتەنەدى.

رەسەيدىڭ 92 مىڭنان استام جاساعان ۋكراينا شەكاراسىنا توپتاعانىن ءاۋ باستا اقش شەنەۋنىكتەرى ءارتۇرلى تۇسپالداپ، شەشىم قابىلداۋدا تىعىرىققا تىرەلگەنى بار. سوڭعى كۇندەرى ۋاشينگتون ماسكەۋدىڭ بۇل ارەكەتىنەن قاۋىپتەنە باستادى. 23 كۇنى بىرقاتار امەريكالىق شەنەۋنىكتەر «سوڭى قالاي بولماسىن، اقش ۋكرايناعا قولداۋدى كۇشەيتەتىنىن» ايتتى.

اقپارات كوزدەرىنىڭ مالىمەتىنشە قۇراما شتاتتار رەسەيدىڭ قاۋىپتى ارەكەتىنە قارسى كۇرەسۋ ءۇشىن كەيبىر قۋاتتى قارۋلاردى قولدانۋعا شەشىم قابىلداعان. ءارى بۇل ارقىلى بولاشاقتادا وسى قارۋلاردى قولدانۋدان تارتىنبايتىنىن كورسەتكىسى كەلەدى. بۇنداي مالىمەتتى VOA اگەنتتىگىنە اتى-ءجونىن كورسەتكىسى كەلمەگەن اقش-تىڭ جوعارى لاۋازىمدىسى ايتقان.

«ءبىز ماسكەۋدى شيەلەنىستە ازايتۋعا شاقىرامىز، – دەگەن ەسىمىن جاسىرعان امەريكالىق لاۋازىمدى، – العاشقى قادام – زورلىق-زومبىلىقتى توقتاتۋدىڭ 2020 جىلدىڭ شىلدەسىندەگى ەڭ تومەنگى دەڭگەيگە دەيىن ءتۇسىرۋدى تالاپ ەتەمىز»، – دەگەن.

وسىمەن ءبىر ۋاقىتتا اقش مەملەكەتتىك دەپارتامەنتى «قانداي دا ءبىر كۇتپەگەن جاعدايعا جاۋاپ بەرۋگە دايىنبىز» دەنەن ماعىناداعى مالىمدەمە جاسادى.

ال بەس-التى ساعات بۇرىن اقش-تىڭ بىرىككەن شتاب كەڭەستىنىڭ توراعاسى مارك ميللي رەسەي قارۋلى كۇشتەرىنىڭ جەتەكشىسىمەن تەلەفون ارقىلى سويلەسكەنى تۋرالى مالىمەت تارادى.

پەنتاگون ديالوگ مازمۇنىن اشىپ ايتپادى، تەك «قاۋىپسىزدىككە قاتىستى الاڭداتىپ وتىرعان بىرنەشە تاقىرىپتار تالقىلانعانىن» ايتادى. سونداي-اق، بۇل سويلەسۋ «قاۋىپتەردىڭ ازايۋىن جانە وپەراتسيالاردا قاقتىعىستاردىڭ الدىن الۋدى قامتاماسىز ەتۋ ءۇشىن ەكى كوشباسشىنىڭ ۇزدىكسىز بايلانىسى» دەپ كوسەتكەن.

ال، ۋكراينا مەن اقش-تىڭ جوعارى شەندىلەرى وسى اپتادا بىرنەشە رەت تەلەفون ارقىلى سويلەسىپ شىعىس ەۋروپاداعى قاۋىپسىزدىك ماسەلەسىن تالقىلاپ كەلەدى.

The Qazaq Times