Antikor taratqan aqparat boyınşa, wlttıq universitettiñ jerin zañsız sattı degen küdikpen Qazaq wlttıq qızdar pedagogikalıq universitetiniñ bwrınğı qızmetkeri, Qarasay audanınıñ jer qatınastarı bölimi jäne «Azamattarğa arnalğan ükimet» wyımı filialınıñ osı audandağı tirkeu jäne jer kadastrı böliminiñ basşıları wstaldı.
Bügin, 14 qazanda Sıbaylas jemqorlıqqa qarsı is-qimıl agenttiginiñ Almatı oblıstıq filialınıñ baspasöz qızmeti mälimetinşe, wstalğandar 2018 jılı universitetke tiesili oblıs aumağında ornalasqan Kemertoğandağı 9 gektar jerdi zañsız sattı degen küdikke ilingen.
«Universitettiñ jer telimi birneşe telimge zañsız bölingen jäne jalğan qwjattarmen wstalğan twlğalarğa qatısı bar adamdarğa räsimdelip, keyin özgelerge satılğan.
Atalğan twlğalar qılmıs izderin jasıru jäne jer telimin universitet balansına «qaytaru» maqsatında 2021 jılğı qañtar ayında qwjatsız memlekettiñ jer qorınan Köldi kentinde sanitarlıq aymaqta ornalasqan, jeke menşikke beruge jatpaytın jer telimin zañsız bölgen» delingen vedomstvo habarlamasında.
Qazir küdiktilerge sot bwltartpau şaraların qoldanu jöninde şeşim şığarğan. Tergeu amaldarı jalğasıp jatır.
Qazaqstanda iri jer dauı jii köteriledi. Sonı biri, osığan deyin QazWU qalaşığındağı şwraylı jerdiñ keminde 0,7 gektar böligi Timur Qwlıbaev ielik etetin kompaniyalardıñ birine berilui qoğam nazarın audarğan. Äli künge deyin bwl jer universitet menşigine tolıq qaytarılmadı.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Qonaevtağı sot: Advokatı Almasbek Sadırbayğa jasalğan qısım turalı mälimdedi, al subsidiya soması sotta «qısqarıp» jatır
Erejesiz älem: Jahandıq wltşıldıq pen resurstar soğısı