انتيكور تاراتقان اقپارات بويىنشا، ۇلتتىق ۋنيۆەرسيتەتتىڭ جەرىن زاڭسىز ساتتى دەگەن كۇدىكپەن قازاق ۇلتتىق قىزدار پەداگوگيكالىق ۋنيۆەرسيتەتىنىڭ بۇرىنعى قىزمەتكەرى، قاراساي اۋدانىنىڭ جەر قاتىناستارى ءبولىمى جانە «ازاماتتارعا ارنالعان ۇكىمەت» ۇيىمى فيليالىنىڭ وسى اۋدانداعى تىركەۋ جانە جەر كاداسترى ءبولىمىنىڭ باسشىلارى ۇستالدى.
بۇگىن، 14 قازاندا سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىستىق فيليالىنىڭ ءباسپاسوز قىزمەتى مالىمەتىنشە، ۇستالعاندار 2018 جىلى ۋنيۆەرسيتەتكە تيەسىلى وبلىس اۋماعىندا ورنالاسقان كەمەرتوعانداعى 9 گەكتار جەردى زاڭسىز ساتتى دەگەن كۇدىككە ىلىنگەن.
«ۋنيۆەرسيتەتتىڭ جەر تەلىمى بىرنەشە تەلىمگە زاڭسىز بولىنگەن جانە جالعان قۇجاتتارمەن ۇستالعان تۇلعالارعا قاتىسى بار ادامدارعا راسىمدەلىپ، كەيىن وزگەلەرگە ساتىلعان.
اتالعان تۇلعالار قىلمىس ىزدەرىن جاسىرۋ جانە جەر تەلىمىن ۋنيۆەرسيتەت بالانسىنا «قايتارۋ» ماقساتىندا 2021 جىلعى قاڭتار ايىندا قۇجاتسىز مەملەكەتتىڭ جەر قورىنان كولدى كەنتىندە سانيتارلىق ايماقتا ورنالاسقان، جەكە مەنشىككە بەرۋگە جاتپايتىن جەر تەلىمىن زاڭسىز بولگەن» دەلىنگەن ۆەدومستۆو حابارلاماسىندا.
قازىر كۇدىكتىلەرگە سوت بۇلتارتپاۋ شارالارىن قولدانۋ جونىندە شەشىم شىعارعان. تەرگەۋ امالدارى جالعاسىپ جاتىر.
قازاقستاندا ءىرى جەر داۋى ءجيى كوتەرىلەدى. سونى ءبىرى، وسىعان دەيىن قازۇۋ قالاشىعىنداعى شۇرايلى جەردىڭ كەمىندە 0,7 گەكتار بولىگى تيمۋر قۇلىباەۆ يەلىك ەتەتىن كومپانيالاردىڭ بىرىنە بەرىلۋى قوعام نازارىن اۋدارعان. ءالى كۇنگە دەيىن بۇل جەر ۋنيۆەرسيتەت مەنشىگىنە تولىق قايتارىلمادى.
رەسپۋبليكاشىلدار يمميگراتسيالىق وپەراتسيانى سىنعا الدى، بىراق ترامپتى اشىق ايىپتاۋدان تارتىندى
ۇكىم وزگەرمەدى. مەملەكەتتىك ءتىلدىڭ قۇنى — ءتورت جىل تۇرمە مە؟
يرانداعى قانتوگىس پەن سىرتقى قىسىم: ترامپتىڭ ەكىۇشتى سيگنالى
كونستيتۋتسيا تاعى وزگەرمەك: رەفورما ما، الدە بيلىكتى قايتا قۇراستىرۋ ما؟
اقش «تاساداعى فلوتقا» توسقاۋىل قويدى: Olina تانكەرى جانە تەڭىزدەگى جاڭا سانكتسيالىق سوعىس
اتىراۋداعى جۇمباق جوعالۋ مەن ادام ءولىمى: ءىز-ءتۇزسىز ارتىلعان وتباسى، پوليتسيا تەرگەۋى جانە قوعام رەاكتسياسى