NATO-nıñ bas hatşısı Yens Stoltenberg Soltüstik atlantikalıq al'yanstağı reseylik missiyanıñ segiz müşesi "arnayı qızmetke qatısı bar" degen negizben akkreditaciyasınan ayırılğanın rastadı. Bwl turalı Ortalıq Aziya jañalıqtar qızmeti jazdı.
Stoltenberg reseylikterdi ketiru "qanday bir oqiğağa baylanıstı qabıldanbağanın" ayttı. Ol NATO ökilderi soñğı kezderi Reseydiñ ziyandı isteri köbeygenin bayqağanın jäne bwl jolı jauaptı şara qoldanatının eskertti.
Bir täulik bwrın reseylik segiz diplomat akkreditaciyasınan ayırılıp, tağı eki qızmetkerdiñ ornı qısqartılğanı habarlanğan. Osımen NATO-dağı reseylik missiya 20 adamnan 10-ğa qısqardı.
Kreml' baspasöz hatşısı Dmitriy Peskov bwl boyınşa pikir berip, Mäskeude NATO-men kelissöz jürgizu boyınşa eşqanday illyuziya qalmağanın jetkizgen.
Reseydiñ sırtqı ister ministrliginiñ ökili Mariya Zaharova NATO-nıñ bwl şeşimi Mäskeudi tañqaldırğanın, oğan qarsı "jauaptı şara" bolatının mälimdegen.
AQŞ pen Iran kelissözi qayta jalğaspaq: Doha kezdesui şielenisti bäseñdete me?
Ukraina-Resey soğısı «energetikalıq duel'ge» aynalıp ketti
Memorandumnıñ küyreui: Parsı şığanağındağı dauıl&älemdik tärtiptiñ sın sağatı soğıp twr
Ormuz dağdarısı: AQŞ pen Iran arasındağı uaqıtşa bitim nege tez bwzıldı?
Qonaevtağı sot: Advokatı Almasbek Sadırbayğa jasalğan qısım turalı mälimdedi, al subsidiya soması sotta «qısqarıp» jatır
Erejesiz älem: Jahandıq wltşıldıq pen resurstar soğısı