Katarda Auğanstan mäselesimen eki haıqaralıq konferenciya ötedi. Foto: IPI Global Observatory

Osı aptada Katarda Auğanstan jağdayın taqırıp etken eki birdey halıqaralıq konferenciya ötedi. Jiınnıñ bastı mañqsatı – Auğanstan ükimeti men «Taliban» ortasındağı beybitşilik kelissözin qalpına keltiru jäne qaqtığıs jağdayı baqılaudan şığıp ketpey twrıp kelisimge kelu joldarın qarastıru.

Erteñ, yağni10 mausım küni Katar ortalığı Doha qalasında Auğanstanmen körşiles elderdiñ kezdesui ötedi. Auğanstanmen körşiles elderden tıs BWW, AQŞ jäne Resey ökilderi qatıstırıladı.

Al, ertesi särsenbide «Keñeytilgen üştik» konferenciyası ötedi. Onda AQŞ-tıñ, Qıtaydıñ, Reseydiñ jäne Päkistannıñ Auğanstan isi jönindegi arnayı ökilderi bas qosadı. Auğanstan mäselesi boyınşa atalğan «Keñeytilgen üştik» konferenciyası Mäskeu tarabınan wmısdastırılğan. Negizigen Auğanstan mäselesin sayasi jolmen retteu, qaqtığıstı jan-jaqtı jäne wzaq merzimge toqtatu joldarın qarastıradı.

Päkistan SİM-i bergen derekterge silteme jasağan «Amerika dauısı» särsenbidegi otırısta aldımen taraptar konsultaciyağa orın beretinin habarlağan bolatın. Al, odan keyin Dohadağı auğan ükimeti men «Taliban» ökilderiniñ qatısuımen keñeytilgen otırıs ötkizbek. Bılayşa aytqanda mäseleni aldımen Resey, Qıtay, AQŞ jäne Päkistan ökilderi özara talqılasıp, taraptardıñ müddeleri turalı ortaq tüsinik tabısadı. Sodan keyin ğana auğanstandıq qos tarap qatısqan kelissöz otırısın ötkizedi.

Tağı da sol Päkistan SİM mälimdemesine qarağanda, bwl eki kezdesuden Auğanstanda qaqtığısıp jatqan eki tarap «ortaq nükteni köretin boladı». YAğni, qos tarap ta müddeli ortaq mäseleler boyınşa pikir birligine keledi dep kütuge boladı eken.

Konferenciyağa qatısatın barlıq taraptıñ ökilderi osığan deyin öz elderiniñ Auğanstan mäselesin beybit jolmen, qarusız tek sayasi joldı tañday otırıp şeşu kerektigin aytıp kelgen. Auğanstandı taqırıp etip bwğan deyin de mıñdağan otırıstar ötkeni de belgili. Biraq, derjavalar arasındağı müdde qayşılığı tüyilisken jerde beytişiliktiñ oñaylıqpen qalpına kelmeytinin bwğan deyingi jağdaylardan körip otırmız.

“The Qazaq Times”