Foto: aşıq derekköz

Iranda 18 mausımda prezident saylauı ötedi. Osı aptada el Konstituciyasınıñ Qamqorşılar Keñesi kandidattardıñ soñğı tizimin jariyaladı.

IRNA agenttiginiñ mälimetinşe, Iran prezidenti lauazımına ümitkerler:

  1. IIR Ibrahim Raisi – sot biliginiñ qazirgi basşısı;
  2. IIR sayasi orındılığın anıqtau jönindegi keñestiñ müşesi Said Djalili;
  3. IIR sayasi orındılığın anıqtau jönindegi keñestiñ hatşısı Mohsen Rezai Mirgaed;
  4. Mäjilisti zertteu ortalığınıñ basşısı jäne Iran parlamentiniñ bwrınğı ökili Alireza Zakani;
  5. Iran parlamentiniñ qazirgi vice-spikeri Amir Hosseyn Gazizade Haşemi;
  6. 6. Irannıñ dene tärbiesi wyımınıñ bwrınğı vice-prezidenti jäne basşısı Mohsen Mehr-Alizade;
  7. IIR Ortalıq bankiniñ qazirgi basşısı Abdol'naser Hemmati.

Iran konstituciyasında prezi­dent­tikten ümitkerdiñ jasına jäne bilimine qatıstı şarttar joq. Prezidenttik saylau turalı zañnıñ 37-babına säykes, ümitker boluğa ötiniş bildirer aldında kandidat sol uaqıtta atqarıp jatqan qızmetinen bosauı tiis. Prezident zañdardı iske asırumen qatar, josparlau, byudjet, basqaru jäne jwmıspen qamtu mäselelerine tikeley jauaptı boladı. Biraq bwl mäselelerdi basqara otırıp orındaudı basqa da memlekettik qızmetkerlerge tapsıruı mümkin.

Irannıñ sayasi jüyesinde prezi­dent­tik saylauğa ıqpal etetin tağı bir quat­tı konstituciyalıq institut – 12 müşeden twratın «Konstituciyanı qorğau­şılar keñesi» bar. Keñestiñ min­deti men ökilettigi – parlamenttik, prezidenttik. «Sarapşılar keñesi» men referendum saylauların jäne bwl saylaularda ümitker bolğandardıñ konstituciyada belgilengen şarttarğa säykestigin baqılau negizgi mindeti sanaladı. Keñestiñ tağı bir bastı mindeti, konstituciyanıñ baptarına tüsinikteme beru jäne parlamentte qabıldanğan zañdardıñ Islam men qwqıqqa säykestigin baqılau.

"The Qazaq Times"