Фото: ашық дереккөз

Иранда 18 маусымда президент сайлауы өтеді. Осы аптада ел Конституциясының Қамқоршылар Кеңесі кандидаттардың соңғы тізімін жариялады.

ИРНА агенттігінің мәліметінше, Иран президенті лауазымына үміткерлер:

  1. ИИР Ибрахим Раиси – сот билігінің қазіргі басшысы;
  2. ИИР саяси орындылығын анықтау жөніндегі кеңестің мүшесі Саид Джалили;
  3. ИИР саяси орындылығын анықтау жөніндегі кеңестің хатшысы Мохсен Резаи Миргаед;
  4. Мәжілісті зерттеу орталығының басшысы және Иран парламентінің бұрынғы өкілі Алиреза Закани;
  5. Иран парламентінің қазіргі вице-спикері Амир Хоссейн Газизаде Хашеми;
  6. 6. Иранның дене тәрбиесі ұйымының бұрынғы вице-президенті және басшысы Мохсен Мехр-Ализаде;
  7. ИИР Орталық банкінің қазіргі басшысы Абдольнасер Хеммати.

Иран конституциясында прези­дент­тіктен үміткердің жасына және біліміне қатысты шарттар жоқ. Президенттік сайлау туралы заңның 37-бабына сәйкес, үміткер болуға өтініш білдірер алдында кандидат сол уақытта атқарып жатқан қызметінен босауы тиіс. Президент заңдарды іске асырумен қатар, жоспарлау, бюджет, басқару және жұмыспен қамту мәселелеріне тікелей жауапты болады. Бірақ бұл мәселелерді басқара отырып орындауды басқа да мемлекеттік қызметкерлерге тапсыруы мүмкін.

Иранның саяси жүйесінде прези­дент­тік сайлауға ықпал ететін тағы бір қуат­ты конституциялық институт – 12 мүшеден тұратын «Конституцияны қорғау­шылар кеңесі» бар. Кеңестің мін­деті мен өкілеттігі – парламенттік, президенттік. «Сарапшылар кеңесі» мен референдум сайлауларын және бұл сайлауларда үміткер болғандардың конституцияда белгіленген шарттарға сәйкестігін бақылау негізгі міндеті саналады. Кеңестің тағы бір басты міндеті, конституцияның баптарына түсініктеме беру және парламентте қабылданған заңдардың Ислам мен құқыққа сәйкестігін бақылау.

"The Qazaq Times"