Foto: cdn.com

Izrail' men Palestina qaqtığısınan qaz tapqandar sanı arttı. Soñğı mälimetter boyınşa, Gaza sektorında 67 adam, al Izrail'de 7 adam ajal qwşqan.

Sonday-aq evrey eliniñ prem'er-ministri Bin'yamin Netan'yahu äue şabuılı kezinde «Hamas» wyımınıñ qolbasşısı men 15 müşesi öltirilgenin mälimdedi. Bwl aqparattı osı wyımnıñ basşısı da rastadı. Bin'yamin Netan'yahu: «Soñğı künderi bizdiñ qalalarda bolıp jatqan oqiğalar adam tözgisiz. Arab bülikşileriniñ sinagogalardı, kölikterdi talqandap, policeyler men beybit jäne jazıqsız azamattarğa şabuıl jasap jatqanın körip otırmız. Bwl – anarhiya. Sonday-aq evreylerdiñ arabtardı wrıp-soğıp, öz betimen jazalap jatqanın da qatañ ayıptaymız. Zorlıq-zombılıq bizdiñ jolımız emes. Izrail'diñ barlıq qalalarındağı jağdaydı baqılauğa alamız», – deydi.

Al Palestina prezidenti Mahmwd Abbas mälimdemesinde: «Qwddıs Palestinanıñ janı men jüregi. Onı tolıq azat etpey, eşqanday da beybitşilik, qauipsizdik bolmaydı. Qwddıs – Palestinanıñ, mäñgilik memlekettiñ astanası. Men AQŞ pen Izrail'ge «jetedi endi, elimizden ketiñder» dep, şegelep twrıp aytqım keledi. Jerimizdegi basıp alu sayasatın erteñ emes, bügin toqtatıñdar»,– dedi.

Keşe «Hamas» Tel'-Aviv aumağı men Aşdod, Aşkelon jäne Sderot qalaların zımıranmen atqıladı. Äzirge, BWW men Egipet, Katar siyaqtı elderdiñ atıstı toqtatuğa qatıstı is-äreketteri nätije bergen joq. Sondıqtan da AQŞ izrail'dikter men palestinalıqtardı tatulastıru üşin arnayı ökil jibermek,

10 mamır tünde Izrail' äskerileri Gaza sektorına äueden 130 soqqı jasağanın, äue soqqısı kezinde qarulı adamdardan bölek qaru-jaraq saqtau orındarı, qoymalar, tunnel'der nısanağa alınğanın mälimdedi.

Izrail' Gazanı basqarıp otırğan HAMAS (bwl qozğalıstı Izrail', AQŞ, EO jäne basqa da elder terroristik wyım dep tanığan, Resey terroristik wyım dep sanamaydı) pen basqa da qarulı toptar 200 raketa attı deydi.

Tayau Şığıstağı şielenis ötken ayda uşığa bastağan. Oğan Izrail' sotınıñ Ierusalimdegi Şeyh-Djarah audanınan palestinalıqtardı köşiru turalı şeşimi sebep boldı. Izrail' 1967 jılı Tayau Şığıstağı soğıstan soñ Şığıs Ierusalimdi basıp alıp, astanamız dep jariyalağan. Biraq halıqaralıq qauımdastıq Ierusalimdi Izrail' astanası dep moyındamadı. Palestinalıqtar Şığıs Ierusalimdi öz jerimiz äri bolaşaqta qwrılatın täuelsiz elimizdiñ astanası boladı dep sanaydı.

"The Qazaq Times"