Belarus'tegi miting kezinde. Foto: dw.com

Minsk sotı «Belsat» polyak telearnasınıñ jurnalisteri Katerina Andreeva men Dar'ya Çul'covtı 15 qaraşada bolğan narazılıqtan tikeley reportaj jasağanı üşin eki jılğa bas bostandığınan ayırdı.

Jurnalister tarapınan memlekettik keşirim swralsa da, Belarus' biligi olardıñ qwjatın qaraudan bas tartqan. Sot ayıptaudıñ tolıq nwsqasın qabıldadı. Qos jurnalist «materialdarımen jappay tärtpsizdik wyımdastırdı» degen ayıppen eki jılğa qamaldı.

Katerina Bahvalova men Dar'ya Çul'cova. Foto: VVS

Tilşilerdi reportaj kezinde OMON wstağan. Alğaşqıda olar jeti kün äkimşilik qamauğa alındı, biraq bostandıqqa şıqpadı. Keyinnen Minsk sotı jappay tärtipsizdikter wyımdastırdı degen ayıppen olardıñ üstinen qılmıstıq is qozğadı.

17 aqpanda Belarus'te policiya ondağan jurnalist pen qwqıq qorğauşılarğa tintu jürgizgen bolatın. Tintu eldiñ barlıq oblıs ortalıqtarında – Minsk, Brest, Gomel' jäne basqa aymaqtarda tañerteñ bastalğan. Nätijesinde, belgisiz sebeptermen eki adam qamauğa alınğan.

Minskide olar Belarus' jurnalister qauımdastığınıñ basşılığına da tintu jürgizdi. Keyinnen policiya wyımnıñ keñsesine de bardı. Bwl täuelsiz wyım 1995 jılı Belarus' jurnalisteriniñ resmi Odağına qarsı qwrılğan.

Gomel'de segiz täuelsiz jurnalist pen qwqıq qorğauşılar, Mogilevte eki jurnalist jäne «Vesna» rtalığınıñ eki aymaqtıq qızmetkerin tekserdi. Sarapşılar Belarus' biliginiñ bwl qadamın «söz bostandığına qayşılıq jäne diktaturanıñ ayqın körinisi» dep sanaydı.

9 tamız Belarus'te prezidenttik saylau ötti. Sol küni OSK Aleksandr Lukaşenkonıñ 80,10% dauıs jinap, jeñiske jetkenin habarladı. Saylau nätijelerin moyındaudan bas tartqan Svetlana Tihanovskaya kandidat retinde 10,12% dauıs jinağan.

Dauıs beru qorıtındıları şığarılğannan keyin elde jappay narazılıq akciyaları bastaldı. İri qaqtığıstar kezinde policiya şeruge şıqqandarğa qarsı oq atıp, küşpen basıp-janşuğa tırıstı. Qazir Belarus'te jergilikti narazılıq akciyaları äli de jalğasuda.

"The Qazaq Times"