Foto: tengrinews.kz

Belarus'te policiya ondağan jurnalist pen qwqıq qorğauşılarğa tintu jürgizdi. Qauipsizdik qızmetkerleri 2020 jılğı narazılıq şeruleriniñ şetelden qarjılandırılğandığı turalı dälel izdestirip jatır.

Tintu eldiñ barlıq oblıs ortalıqtarında – Minsk, Brest, Gomel' jäne basqa aymaqtarda tañerteñ bastalğan. Nätijesinde, belgisiz sebeptermen eki adam qamauğa alınğan.

Minskide olar Belarus' jurnalister qauımdastığınıñ basşılığına da tintu jürgizdi. Keyinnen policiya wyımnıñ keñsesine de bardı. Bwl täuelsiz wyım 1995 jılı Belarus' jurnalisteriniñ resmi Odağına qarsı qwrılğan.

Seysenbi tañerteñ tañerteñ Minskide «Ölim jazasına qarsı qwqıq qorğauşılar» nauqanınıñ üylestiruşisi Andrey Poluda, «Vesna» qwqıq qorğau ortalığınıñ qızmetkerleri Natal'ya Sacunkeviç pen Dmitriy Solov'ev, sonday-aq täuelsiz elektrondı önerkäsip odağınıñ tört basşısınan swrau alınğan.

Gomel'de segiz täuelsiz jurnalist pen qwqıq qorğauşılar, Mogilevte eki jurnalist jäne «Vesna» rtalığınıñ eki aymaqtıq qızmetkerin tekserdi. Sarapşılar Belarus' biliginiñ bwl qadamın «söz bostandığına qayşılıq jäne diktaturanıñ ayqın körinisi» dep sanaydı.

9 tamız Belarus'te prezidenttik saylau ötti. Sol küni OSK Aleksandr Lukaşenkonıñ 80,10% dauıs jinap, jeñiske jetkenin habarladı. Saylau nätijelerin moyındaudan bas tartqan Svetlana Tihanovskaya kandidat retinde 10,12% dauıs jinağan.

Dauıs beru qorıtındıları şığarılğannan keyin elde jappay narazılıq akciyaları bastaldı. İri qaqtığıstar kezinde policiya şeruge şıqqandarğa qarsı oq atıp, küşpen basıp-janşuğa tırıstı. Qazir Belarus'te jergilikti narazılıq akciyaları äli de jalğasuda.

"The Qazaq Times"