Bayden ükimeti 5 aqpanda merzimi bitetin AQŞ-Resey arasındağı  yadrolıq kelisimdi alğaşqı adımda tağı 5 jılğa wzarta twrudı wsınbaq. 21 qañtar beysenbi küngi Bayden ükimetiniñ ökilderi osınday mälimdeme tarattı.

Aq üy resmileriniñ mälimetinde, Baydenniñ qauipsizdik jönindegi keñesşisi Jeyk Sallivan bwl wsınıstı Reseydiñ AQŞ-tağı elşisi Anatoli Antonovqa beysenbi küni tüsten keyin jasağan.

Sarapşılardıñ pikirinşe, bwl wsınıs Resey men AQŞ-tıñ Europadağı odaqtastarı üşin qabıldauğa jeñil. Al, osımen bir künde NATO bas hatşısı Yens Stoltonberg te mälimdeme jasap, AQŞ pen Resey kelisimdi tipti de keñeyte tüsui kerek ekenin aytqan. Ol Bryussel'de jurnalisterge bergen jauabında: «Biz yadrolıq oq twmsıqtarğa şekteu qoyatın küyge tüspeuimiz kerek. Al, «Strategiyalıq qarudı qısqartu turalı jaña kelisim» birneşe künnen keyin ayaqtaladı», – degen. Onıñ aytuınşa bwl kelisim soñğı emes, alda qaru-jaraqtı qadağalaudıñ jahandıq kelisimine qol jetkizu üşin küş salu kerek.

AQŞ pen Resey arasındağı atalğan yadrolıq qarularğa qatıstı kelisim 2010 jılı eks-prezidentter Obama men Medvetovtiñ qol qoyuımen jasalğan bolatın. Şartqa säykes eki eldiñ ornalastırğan belsendilikke ie yadrolıq oq twmsıqtarınıñ sanı 1150-den aspauı kerek bolğan. Alayda, prezident Tramp bwl kelisimdi «Qwrama Ştattardı qolaysız jağdayğa qaldırdı» dep sınğa alğan edi.