Fotokollaj: rus.azattyq-ruhy.kz

Biıl qırküyekte älemniñ 26 elinde qws twmauınıñ 429 oşağı tirkelgen. Onıñ işinde körşiles Reseyde aurudıñ 28 oşağı anıqtalıp, Qazaqstan tarapınan Çelyabinsk, Ombı oblıstarına qws twmauına qatıstı tasımaldau uaqıtşa toqtatıldı.

Bwl turalı beysenbi küngi brifingte mälimdeme jasağan Auıl şaruaşılıq ministrliginiñ veterinarlıq baqılau jäne qadağalau komiteti basşısınıñ mindetin atqaruşı Twrsın Qapdoldanovtıñ deregi boyınşa, qws twmauı rastalğan 48 eldi mekende karantin şaraları engizilgen. Twrsın Qapdoldanov sözinde: «Osı uaqıtqa deyin qosımşa 699 mıñ doza aldıq. 2 qazanda bir millionnan astam däri keledi. Barlığın qosqanda 7 milion 700 mıñ däri-därmek qoldanısqa berildi», – dep atap ötti.

Resmi mälimet boyınşa, Respublikada jalpı sanı 588 mıñ qws qırılğan. Onıñ 329651-i qws twmauınan qırılğan. Resmi derek boyınşa qws twmauı taralğan oblıstar qatarında Aqmola oblısınıñ 5 audanı, Pavlodar oblısınıñ 4 audanı, Jambıl oblısınıñ bir audanı, Qostanay oblısınıñ 3 audanı, Soltüstik Qazaqstan oblısınıñ 11 audanı, Qarağandı oblısınıñ bir audanı bar.

Al Türkistan, Aqtöbe, Qarağandı oblıstarı men Şımkent qalasında eşqanday derek tirkelgen joq.

"The Qazaq Times"