بيىل قىركۇيەكتە الەمنىڭ 26 ەلىندە قۇس تۇماۋىنىڭ 429 وشاعى تىركەلگەن. ونىڭ ىشىندە كورشىلەس رەسەيدە اۋرۋدىڭ 28 وشاعى انىقتالىپ، قازاقستان تاراپىنان چەليابينسك، ومبى وبلىستارىنا قۇس تۇماۋىنا قاتىستى تاسىمالداۋ ۋاقىتشا توقتاتىلدى.
بۇل تۋرالى بەيسەنبى كۇنگى بريفينگتە مالىمدەمە جاساعان اۋىل شارۋاشىلىق مينيسترلىگىنىڭ ۆەتەرينارلىق باقىلاۋ جانە قاداعالاۋ كوميتەتى باسشىسىنىڭ مىندەتىن اتقارۋشى تۇرسىن قاپدولدانوۆتىڭ دەرەگى بويىنشا، قۇس تۇماۋى راستالعان 48 ەلدى مەكەندە كارانتين شارالارى ەنگىزىلگەن. تۇرسىن قاپدولدانوۆ سوزىندە: «وسى ۋاقىتقا دەيىن قوسىمشا 699 مىڭ دوزا الدىق. 2 قازاندا ءبىر ميلليوننان استام ءدارى كەلەدى. بارلىعىن قوسقاندا 7 ميليون 700 مىڭ ءدارى-دارمەك قولدانىسقا بەرىلدى»، – دەپ اتاپ ءوتتى.
رەسمي مالىمەت بويىنشا، رەسپۋبليكادا جالپى سانى 588 مىڭ قۇس قىرىلعان. ونىڭ 329651-ءى قۇس تۇماۋىنان قىرىلعان. رەسمي دەرەك بويىنشا قۇس تۇماۋى تارالعان وبلىستار قاتارىندا اقمولا وبلىسىنىڭ 5 اۋدانى، پاۆلودار وبلىسىنىڭ 4 اۋدانى، جامبىل وبلىسىنىڭ ءبىر اۋدانى، قوستاناي وبلىسىنىڭ 3 اۋدانى، سولتۇستىك قازاقستان وبلىسىنىڭ 11 اۋدانى، قاراعاندى وبلىسىنىڭ ءبىر اۋدانى بار.
ال تۇركىستان، اقتوبە، قاراعاندى وبلىستارى مەن شىمكەنت قالاسىندا ەشقانداي دەرەك تىركەلگەن جوق.
قاندى قاڭتار سوتى. بەس جىلعا سوتتالعان ارتىقباەۆ ەشقانداي دالەل جوق دەپ ۇكىممەن كەلىسپەيدى
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن