Pak Kın He. Foto: NEO

Şetel aqparat keñistiginde 6 säuir küni Oñtüstik Koreyanıñ memlekettik telearnaları arqılı tarağan habarğa nazar salsaq, Koreyanıñ ökilettiligi toqtatılğan bwrınğı prezidenti Pak Kın He qamauda wstap twru ortalığında eki ret prokuratura jaqtıñ jauap alu tergeuinde bolğan. Pak Kın He öziniñ qwrbısı Cuy jağınan paydalanılğanın, onı aldauına tüsip qalğanın aşıq aytqan. Aqır soñında öziniñ «jaqtastarınıñ jeke isine aralasuı» sebebinen osınday ülken oqiğa orın alğandığın aytadı.

4 säuir küni, Pak Kın He prokuratura jaqtıñ birinşi retki tergeuine jauap bergende: « Men Cuy jağınan paydalanıldım. Ol meni aldap ketti», – degen sözi anıq estelikke alınğan eken. 6 säuir küni ekinşi retki tergeu üstinde Cuy Şünşıniñ naqtı «sıbaylastığı» turalı bayan etken. Alayda ol turalı bwdan arı eşteñe de bilmeytinin ayttı.

Qolda wstap twru orınında Pak Kın Hen eki ret tergeude de, özine tağılğan ayıptı bütindey teriske şığarğan. Prokuratura jaq aldağı uaqıtta qosımşa tergeu jwmıstarın alıp barudı josparlap otır. Bwl tergeu kelesi aptada boladı dep kütilude.

6 säuir tüsten bwrın, Pak Kın Hen isine qatıstı qolğa alınğan qwrbısı Cuy Şünşı Seuldegi qolğa wstap twru ortalığınan özge qamau izolyatorlarına auıstırıldı. Bwl da bolsa olar bir qamau ortalığında tildesip qoyuınan alañdaudan tuğan äreket bolsa kerek.

“The Qazaq Times”