AQŞ prezidenti Tramp beysenbide Birikken Arab Ämirlikteri men Izrail' arasında diplomatiyalıq qatınas ornatuğa kelisti dep mälimdedi.

Bwl qadam BAÄ-ni Izrail'men diplomatiyalıq qatınas ornatqan üşinşi arab eli jäne alğaşqı Parsı şığanağı eli. Osığan deyin Egipet pen Iordaniya Izrail'men diplomatiyalıq qatınas ornatqan bolatın.

Tramp twitter-degi jazbasında üş el arasındağı birlesken mälimdemeni «tarihi sät» dep bağaladı.

Birlesken mälimdemede barlıq eldiñ ökilderi aldağı birneşe aptada tikeley reyster, qauipsizdik, baylanıs, energetika, turizm jäne medicinalıq saqtandıru turalı kelisimdi talqılau jäne qol qoyu üşin kezdesetinin mälimdedi.

Sonday-aq BAÄ men Izrail' koronavirustı emdeu men vakcinalardı jasau salasındağı ıntımaqtastıqtı tez arada keñeytip, jedeldetudi josparlap otır.

Tramp sonımen birge «endi mwz sınğannan keyin men Arab jäne mwsılman elderi BAÄ-niñ közqarasın wstanadı dep ümittenemin» dedi.

AQŞ Memlekettik hatşısı Pompeo bwl kelisim «älemdegi eñ damığan jäne tehnologiyalıq twrğıdan damığan eki el arasındağı keremet jetistik» dep atap ötti.

Birikken Arab Ämirlikteriniñ AQŞ-tağı elşisi Al' Otayba: «Izrail' men BAÄ bügin tolıq diplomatiyalıq qatınas ornatuı diplomatiyanıñ jeñisi jäne aymaqtıq jeñis dep mälimdedi.

"The Qazaq Times"