اقش پرەزيدەنتى ترامپ بەيسەنبىدە بىرىككەن اراب امىرلىكتەرى مەن يزرايل اراسىندا ديپلوماتيالىق قاتىناس ورناتۋعا كەلىستى دەپ مالىمدەدى.

بۇل قادام ءباا-ءنى يزرايلمەن ديپلوماتيالىق قاتىناس ورناتقان ءۇشىنشى اراب ەلى جانە العاشقى پارسى شىعاناعى ەلى. وسىعان دەيىن ەگيپەت پەن يوردانيا يزرايلمەن ديپلوماتيالىق قاتىناس ورناتقان بولاتىن.

ترامپ twitter-دەگى جازباسىندا ءۇش ەل اراسىنداعى بىرلەسكەن مالىمدەمەنى «تاريحي ءسات» دەپ باعالادى.

بىرلەسكەن مالىمدەمەدە بارلىق ەلدىڭ وكىلدەرى الداعى بىرنەشە اپتادا تىكەلەي رەيستەر، قاۋىپسىزدىك، بايلانىس، ەنەرگەتيكا، تۋريزم جانە مەديتسينالىق ساقتاندىرۋ تۋرالى كەلىسىمدى تالقىلاۋ جانە قول قويۋ ءۇشىن كەزدەسەتىنىن مالىمدەدى.

سونداي-اق ءباا مەن يزرايل كوروناۆيرۋستى ەمدەۋ مەن ۆاكتسينالاردى جاساۋ سالاسىنداعى ىنتىماقتاستىقتى تەز ارادا كەڭەيتىپ، جەدەلدەتۋدى جوسپارلاپ وتىر.

ترامپ سونىمەن بىرگە «ەندى مۇز سىنعاننان كەيىن مەن اراب جانە مۇسىلمان ەلدەرى ءباا-ءنىڭ كوزقاراسىن ۇستانادى دەپ ۇمىتتەنەمىن» دەدى.

اقش مەملەكەتتىك حاتشىسى پومپەو بۇل كەلىسىم «الەمدەگى ەڭ دامىعان جانە تەحنولوگيالىق تۇرعىدان دامىعان ەكى ەل اراسىنداعى كەرەمەت جەتىستىك» دەپ اتاپ ءوتتى.

بىرىككەن اراب امىرلىكتەرىنىڭ اقش-تاعى ەلشىسى ال وتايبا: «يزرايل مەن ءباا بۇگىن تولىق ديپلوماتيالىق قاتىناس ورناتۋى ديپلوماتيانىڭ جەڭىسى جانە ايماقتىق جەڭىس دەپ مالىمدەدى.

"The Qazaq Times"