Qırğızstan astanasınıñ Pervomay audanınıñ sotında eks-prezident Almazbek Atambaevtıñ qatısı bar Qoy-Taş auılındağı jappay tärtipsizdik turalı isti qarau bastaldı.

Mälimetterge süyensek, bwl is boyınşa jalpı 14 adamğa, onıñ işinde prezident apparatınıñ bwrınğı basşısı Farid Niyazovqa, wlttıq parlament deputattarı Äsel Qodıranova men Irina Karamuşkinağa ayıp tağılğan. Eldiñ bwrınğı prezidenti sot ğimaratına wlttıq qauipsizdik komitetiniñ tergeu izolyatorınan jetkizildi.

2011 jıldan bastap 2017 jılğa deyin Qırğızstandı basqarğan A.Atambaev 8 tamızda Qoy-Taş auılında ornalasqan rezidenciyasında bir täulikke juıq sozılğan arnayı operaciya kezinde qolğa tüsti. Sot ayıptauların moyındaudan birneşe märte bas tartqan Atambaevtıñ jaqtauşıları policiyağa qarsılıq körsetip, qaqtığıs orın aldı. Arnayı jasaq sarbazı köz jwmdı. Sol küni wstalğan eks-prezident WQKD tergeu izolyatorına jetkizildi.

Almazbek Atambaevqa qwqıq qorğau organdarınıñ qızmetkerlerine qoqan-loqı körsetti, jappay tärtipsizdik ornattı, kriminaldı top basşısı Äziz Batukaevqa qoldau körsetti, Bişkek JEO qayta qwru kezinde jemqorlıq jasadı, Bişkektegi «Forum» önerkäsip ğimaratınıñ basşılığımen zañsız mämilege keldi jäne Esik oblısındağı Qoy-Taş, Istıqkölde jer uçaskelerin zañsız jolmen aldı degen ayıptar tağılğan. Sonımen qatar joğarıda atalğan ayıptaulardıñ işinde «eks-prezident adam öltirmek boldı jäne adam bopsaladı» degen bölim de bar.

"The Qazaq Times"