Foto: ParsToday

Päkistan tälipteriniñ bir tarmağı bolıp tabılatın «Äl-Ahrar jamağatı» lañkestik tobı osı eldiñ soltüstik-batısında şiitter twratın Paraçinar qalasında orın alğan jarılıstıñ jauapkerşiligin öz moynına aldı. Bwl turalı "Fars" baspasözi jazdı.

«Äl-Ahrar jamağatı» lañkestik tobı jwma küni beyne joldau arqılı Päkistannıñ aqparat qwraldarına bwl toptıñ Paraçinarda bomba qoyğanın habarladı. Lañkestik jarılıs jwma küni Päkistannıñ soltüstik-batısındağı taypalıq audanınıñ ortalığı şiitter twratın Paraçinar qalasında orın aldı. Sonıñ saldarınan keminde 22 adam qaza tauıp, 70 adam jaralandı.

Jergilikti aqparat közderi bwl jarılıstıñ Paraçinar qalasındağı şiittik dini räsimder ortalığınıñ mañına qoyılğan bomba saldarınan orın alğanın habarlauda.

Paraçinar Päkistannıñ taypalıq audandarında şiitter twratın şekteuli qalalardıñ biri sanaladı. Qala Päkistandağı Taliban tobı, Djahanguy armiyası, «Äl-Ahrar jamağatı» jäne basqa da ekstremistik toptar tarapınan birneşe ret şabuılğa wşıradı.

“The Qazaq Times”