Türkiyanıñ Manisa provinciyasındağı Kırkagaç audanında magnitudası 4,8 baldıq jer silkinisi boldı, dep habarlaydı Anadolı agenttigi.

Türkiya ükimeti janındağı (AFAD) Tötenşe jağdaylardıñ aldın alu jäne joyu basqarması saytınıñ habarlauınşa, jerastı dümpui 28 qañtarda jergilikti uaqıt boyınşa 14:26-da tirkelgen. Zilzala kindigi 7 kilometr tereñdikte ornalasqan. Tötenşe jağdaylardıñ aldın alu jäne joyu jönindegi basqarmasınıñ (AFAD) mälimetinşe, zilzaladan keyin magnitudası 4 ball jäne odan da joğarı 228 afterşok tirkelgen.

Bwğan deyin 25 qañtarda Elyazıg provinciyasında 6,8 balldıq jer silkinisi bolıp, saldarınan 40-qa juıq adam mert bolğan. Elyazıg provinciyasınıñ Sivridj uezde 5 jäne Malat'ya provinciyasındağı Doganyol audanında 25 ğimarat qwlağan. Medicinalıq kömekke barlığı 1566 adam jügingen. 76 ğimarat qirap, 643 nısanğa aytarlıqtay nwqsan kelgen. 425 nısan jeñil jäne ortaşa deñgeyde zaqımdandı. Zilzaladan keyin ile-şala 599 afterşok tirkeldi. Al 24 qañtarda Ankara türik provinciyasınıñ Ak'yurt audanında magnitudası 4,5 baldıq jer silkingen.

"The Qazaq Times"