Körneki suret. Abay operasınan. Foto: aşıq derekköz

Bügin aqparat jäne qoğamdıq damu ministri Däuren Abaev memleket basşısı Qasım-Jomart Toqaevtıñ tapsırmasına oray biıl ötui tiisti 800-den astam şaranıñ qısqarğanın habarladı. 

Ministrliktiñ keñeytilgen alqa otırısında Abaev «Biz Abaydıñ 175 jıldığın, el Täuelsizdigi künin atap ötemiz. Prezident Toqaev atalğan forumdardıñ işki mazmwnı jayında aytqan bolatın. Al bwl basqa mäsele. Täuelsizdik küniniñ 30 jıldığı ayasında türli merzimderi bar wsınıstardı jinaqtap jatırmız. Sizder aldın ala jwmıstardı bayqamaysızdar. Bwl jospar qazirgi uaqıtta 89-90 tarmaqtan twradı, al bastapqıda 900 tarmaq bolatın. Biz 800-den astam türli şaranı alıp tastadıq. Bwl jwmıstardıñ barlığın jürgizdik, forumdar men seminarlar aytarlıqtay qısqardı», – dedi.

Sonımen qatar jurnalisterdiñ talap-arızına jii moyın bwra bermeytin ministr aqpan ayında Qazaqstan Täuelsizdiginiñ 30 jıldığın merekeleuge arnalğan twjırımdama men is-şaralar josparın bekitu josparlanıp jatqanın jetkizdi.

"The Qazaq Times"