Bügin tañerteñ Almatıda Jambıl atındağı filarmoniyada Qazaqstan Joğarğı keñesiniñ bwrınğı törağası, oppoziciyalıq sayasatker, ğalım Serikbolsın Äbdildinmen baqwldasu räsimi ötti.

Oğan sayasatkerdiñ jaqındarı men tuıstarı, zamandas äriptesteri, belsendiler, qala twrğındarı jinaldı.

Jergilikti bilikten ökil retinde  Almatı qalası äkiminiñ orınbasarı Erjan Babaqwmar kelip qatıstı.

Jwrt sayasatkerdiñ tuğan-tuıstarına köñil aytıp, marqwmmen qoştastı. Serikbolsın Äbdildindi Keñsay-2 ziratına qoyadı.

Aşıq közdegi aqparatqa qarağanda, qazaq tarihınıñ qara torısı 31 jeltoqsan küni sağat 23:00-ten öte Almatı auruhanasında qaytıs bolğan.

Serikbolsın Äbdildin 1937 jılı 25 qaraşada bwrınğı Semey oblısı Aqsuat audanı Qızılkesik auılında düniege kelgen. 1967 jıldan bastap köp uaqıt Qazaq SSR josparlau komitetinde jwmıs istedi, auıl şaruaşılığı ministrliginde basşı qızmetter atqardı, Qazaq SSR ministrler keñesiniñ Mäskeudegi ökili boldı.

1990 jılı Qazaq SSR Joğarğı Keñesiniñ deputatı bolıp saylanğan Serikbolsın Äbdildin keyin Joğarğı Keñes törağasınıñ orınbasarı, al 1991 jıldıñ qazanınan 1993 jılı Joğarğı Keñes taratılğanğa deyin onıñ törağası boldı. 1991 jılı 16 jeltoqsanda qabıldanğan "Qazaqstannıñ täuelsizdigi turalı deklaraciyağa" Joğarğı Keñes törağası Serikbolsın Äbdildin qol qoyğan.

“The Qazaq Times”