بۇگىن تاڭەرتەڭ الماتىدا جامبىل اتىنداعى فيلارمونيادا قازاقستان جوعارعى كەڭەسىنىڭ بۇرىنعى توراعاسى، وپپوزيتسيالىق ساياساتكەر، عالىم سەرىكبولسىن ابدىلدينمەن باقۇلداسۋ ءراسىمى ءوتتى.

وعان ساياساتكەردىڭ جاقىندارى مەن تۋىستارى، زامانداس ارىپتەستەرى، بەلسەندىلەر، قالا تۇرعىندارى جينالدى.

جەرگىلىكتى بيلىكتەن وكىل رەتىندە  الماتى قالاسى اكىمىنىڭ ورىنباسارى ەرجان باباقۇمار كەلىپ قاتىستى.

جۇرت ساياساتكەردىڭ تۋعان-تۋىستارىنا كوڭىل ايتىپ، مارقۇممەن قوشتاستى. سەرىكبولسىن ءابدىلديندى كەڭساي-2 زيراتىنا قويادى.

اشىق كوزدەگى اقپاراتقا قاراعاندا، قازاق تاريحىنىڭ قارا تورىسى 31 جەلتوقسان كۇنى ساعات 23:00-تەن وتە الماتى اۋرۋحاناسىندا قايتىس بولعان.

سەرىكبولسىن ءابدىلدين 1937 جىلى 25 قاراشادا بۇرىنعى سەمەي وبلىسى اقسۋات اۋدانى قىزىلكەسىك اۋىلىندا دۇنيەگە كەلگەن. 1967 جىلدان باستاپ كوپ ۋاقىت قازاق سسر جوسپارلاۋ كوميتەتىندە جۇمىس ىستەدى، اۋىل شارۋاشىلىعى مينيسترلىگىندە باسشى قىزمەتتەر اتقاردى، قازاق سسر مينيسترلەر كەڭەسىنىڭ ماسكەۋدەگى وكىلى بولدى.

1990 جىلى قازاق سسر جوعارعى كەڭەسىنىڭ دەپۋتاتى بولىپ سايلانعان سەرىكبولسىن ءابدىلدين كەيىن جوعارعى كەڭەس توراعاسىنىڭ ورىنباسارى، ال 1991 جىلدىڭ قازانىنان 1993 جىلى جوعارعى كەڭەس تاراتىلعانعا دەيىن ونىڭ توراعاسى بولدى. 1991 جىلى 16 جەلتوقساندا قابىلدانعان "قازاقستاننىڭ تاۋەلسىزدىگى تۋرالى دەكلاراتسياعا" جوعارعى كەڭەس توراعاسى سەرىكبولسىن ءابدىلدين قول قويعان.

“The Qazaq Times”