Foto: AP Photo/ Cliff Owen AQŞ senatorı

AQŞ Senatınıñ otırısında Resey Federaciyasınıñ Germaniya men Franciyadağı saylauğa aralasıp, öz müddesine oray şeşim şığuına äreket etip otırğandığı jaylı aytıldı. Bwl turalı NBC arnasınıñ efirinde Demokratiyalıq partiyanıñ jäne senattıñ barlau komitetiniñ ökili Mark Uorner mälimdedi. 

Amerikalıq senator AQŞ-ta ötken saylauğa da "jaldamalı hakkerlik şabuıldarı" arqılı Reseydiñ "aralasqandığın"  esine aldı.

Uorner: "Saylau kezinde  RF-nıñ saylauğa qatısı bar ekendigin bilemiz jäne ol Franciya men Germaniyağa da däl sol äreketin qaytalamaq" - dep, atap ötti.

Al Resey ükimeti bolsa, özge memleketterdiñ isine qatısı joq ekendikterin aytıp, eş aralaspağandıqtarın alğa tartuda.

 Osı uaqıtqa deyin Germaniyanıñ Federaldıq barlau qızmetiniñ basşısı  (BND) Bruno Kal' Reseydiñ eldegi saylau nauqanına aralasıp, reseylik hakkerlerdiñ nemis bundestagınıñ serverine şabuıl jasap otırğandığın aytqan bolatın.

“The Qazaq Times”