Foto: https://holanews.kz

Qazaqstan men Çehiya qarım-qatınası nığaya tüspek. Osı aptada Mäjilis törağası Nwrlan Nığmatulin men Qazaqstanğa resmi saparmen kelgen Çehiya Parlamenti deputattar palatasınıñ spikeri Radek Vondraçek eki eldiñ parlamentşileri arasındağı ıntımaqtastıqtı nığaytu mäselelerin talqıladı.

Resmi parlam.kz saytınıñ mälimetinşe, Radek Vondraçek Qazaqstan men Çehiya arasındağı baylanıstıñ deñgeyin joğarı bağalağan. Öz kezeginde Nwrlan Nığmatulin Çehiya Parlamenti deputattar palatası spikeriniñ saparı wzaq merzimdi jäne özara tiimdi ıntımaqtastıqtı jan-jaqtı tereñdetuge mañızdı serpin beretinine senim bildirdi.

Çehiya Ortalıq jäne Şığıs Europa elderiniñ arasındağı Qazaqstannıñ negizgi sayasi jäne ekonomikalıq seriktesteriniñ biri bolıp tabılatının aytqan Nwrlan Nığmatulin Qazaqstan basşılığı Çehiya elimen qarım-qatınastı tereñdetuge erekşe män beretinin atap ötti. Mäjilis törağasınıñ pikirinşe, ekijaqtı ıntımaqtastıqtı damıtuğa densaulıq saqtau, maşina jasau, agroönerkäsiptik tehnologiyalar, «jasıl» energetika siyaqtı äleuetti salalardıñ mañızı zor. Ekijaqtı qatınastardıñ mañızdı qwramdas böligi retinde parlamentaralıq ıntımaqtastıq turalı aytqan mäjilis törağası tiisti komitetter men ıntımaqtastıq toptarınıñ birlesken jwmısı zañnamalıq täjiribe almasuğa, eñ aldımen äleumettik sayasat jäne bilim, sonday-aq ekonomikanıñ innovaciyalıq damuı men cifrlandırıluına mümkindik beretinine toqtaldı.

"The Qazaq Times"