Iran ministri Jahromi ğarış salasın taqırıp etken jinalısta mälimdeme jasadı. Foto: IRNA,

Jaqında Irannıñ Ğarış zertteu salası AQŞ-tıñ qatañ sankciyasına ilingen bolatın. Alayda, bir kün bwrın eldiñ Kommunikaciya jäne Tehnologiya ministrligi resmi mälimdeme jasap, Iran aldağı birneşe jılda ğarışker wşıru jäne Jer orbitasına jerserik ornalastıru jobasın jüzege asıratının mälimdedi. 

Irannıñ kommunikaciya jäne tehnologiya ministri Mwhammad Äzeri Jahromi resmi mälimdemesinde: "Mindetti türde ğarışqa irandıq ğarışkerdi wşıratın bolamız. Bwğan özge elder de qoldau körsetpek. Sonımen birge, Jer betin baqılau mümkindigi eñ joğarı jasandı jer serigin orbitağa jiberudi 2021 jılğa deyin jüzege asıramız", – degen.

Bwdan bwrın Qwrama Ştattar tarabı "Iran ğarış keñistigin zertteudi jeleu etip ballistikalıq zımırandardı damıtuda" degen uäjin alğa tarta otırıp, Irannıñ üş birdey ğarış zertteu wyımına bir uaqıtta sankciya jariyaladı. Alayda, Iran kezekti qadamı arqılı AQŞ sankciyasınıñ irandıq jobalardı jüzege asıruğa kedergi bola almaytının däleldeuge tırıspaq.

“The Qazaq Times”