Batıl äteş. Foto: liveinternet.ru

Topan suğa deyin qarğa men tauıq dos bolıptı. Ol kezde qarğa aq tüsti, al tauıq wşatın qws eken. Topan su basqanda kemege ekeui qatar jayğasıptı.
Kemeni şaldıratın mezgil taqaydı. Biraq sudıñ qanşalıqtı tarılıp, qwrğaq jerdiñ bar joğın bilu mümkin emes edi. Nwh:
– Sudıñ qanşalıqtı tartılğanın kim bilip keledi? – deydi. Qarğa:
– Iqtiyar etseñiz, men wşayın, – deydi.
– Sen jemtikke üyir ediñ. Dalada ölekse boluı mümkin. Qızığıp qalıp qoysañ şe?
– Mağan seniñiz. Bir zamanda Adam atağa jol körsetken men edim.
– Kelmey qoysañ, seni köp kütuge mwrşamız joq. Kepildikke ne qaldırasıñ? – dedi. Sonda Tauıq:
– Qarğa qimas dosım. Dos üşin eki qanatımdı kepildikke men qoyamın, – dedi. Payğambar kelisti.
Qarğa wşıp şıqtı. Qarasa, biraz jer aşılıp, qwrğap qalıptı. Topan suğa twnşığıp ölgen jan-januardıñ öligi şaşılıp jatır. Kemeden aşqwrsaq şıqqan qarğa ölekseni körgende aranı aşılıp, kemedegi el-jwrttı wmıttı. Nwh onı küte-küte şıdamı tausıldı. «İzdep kel» dep sauısqandı jiberdi. Ol da jemtik jep qalıp qoydı. Üşinşi jolı kepter wştı. Ol zäytün ağaşına qondı. Ağaşqa bwrınğı joyılğan qauım men ölgen maqwlıqtıñ qanı jwqqan eken. Onıñ ayağı qanğa tiip qızarıp ketedi. Sodan bastap kepterdiñ ayağı qızıl bolıptı.
Kepter zäytün ağaşınıñ bir japırağın tistep, kemege oraldı. Nwh kepterden:
– Ana ekeuinen habar bar ma? Aman ba eken? – dep swradı. Kepter:
– Iä, kördim. Qarğa ölgen maldıñ basın, sauısqan kötenşegin şwqıp otır, – dedi. Nwh ıza bolıp:
– Jegenderiñ jemtik, işkenderiñ irtik bolsın! – degende eki qwstıñ wsqını ketedi. Qarğa qara tüsti qwsqa aynaladı. Osıdan bastap, ol ölgen mal körse basın, sauısqan qwyrığın şoqitın bolıptı. Nwh kepterge:
– Adaldığıñ bilindi. Qarnıñ aşsa, adamnıñ qolınan jem je, şatırına wya sal! – dedi. Sosın payğambarğa tauıq kelip:
– Qanatımdı ber, – dedi. Nwh:
– Dosıñ seni satıp ketti. Ol kelsin, qanatıñdı sosın alasıñ, – dedi. Tauıq osılayşa wşa almay qaladı. Kün sayın tañ mezgili bolğanda, «Qarğa qanatımdı qaytar» dep şaqıradı eken. Sol kezde elder wyqıdan oyanatın bolıptı.

Derekköz: http://bit.ly/2hiyVVq