Foto: joe.ie

Kabulda 17 tamız küni üylenu toyı ötip jatqan jerde jarılıs bolıp 63 adam qaza tauıp, 200-ge juıq adam jaraqat alğan.

Auğanstan İİM-niñ ökili Nasrat Rahimidiñ aytuınşa, jarılıs üylenu toyı kezinde er adamdar otırğan jerde bolğan. Sonday-aq, qaza tapqandar men zardap şekkenderdiñ arasında balalar men äyelder bar. Jalpı toyğa mıñnan astam adam qatısqan.

"Taliban" qozğalısı biılğı jıl basınan beri Kabuldağı eñ joyqın şabuılğa qatısı barın joqqa şığardı. Bwl jarılıs Vaşington Auğanstandağı 18 jılğa juıq uaqıt jalğasıp jatqan qarulı janjaldı doğaratın beybit bitimge kelu turalı Taliban ökilderimen kelissöz jürgizip jatqan şaqta jasaldı.

Auğanstan prezidenti Aşraf Ğani jeksenbi küni Twitter-degi paraqşasına "Taliban" terrorşılarğa "jağday tuğızıp" otırğanı üşin jauapkerşilikten tayqıp kete almaydı dep jazdı.

Sonımen qatar, BWW mälimeti boyınşa, biılğı jıldıñ alğaşqı jartısında elde şabuıldar saldarınan qaza bolğan nemese jaralanğan adam sanı 3800-ge jetken.

"The Qazaq Times"