Foto: Google

Qara altın bağası älemdik birjada kün sanap özgerip jatır. Osı aptada London men N'yu-Yorktiñ şikizat birjalarında jwma küngi sauda-sattıq qorıtındısı boyınşa mwnay bağası köterildi.

Mälimetter boyınşa, N'yu-York tauar birjasında (NYMEX) tamız ayında jetkiziletin WTI markalı mwnay qwnı 0,33 dollarğa köterilip, bir barreli 55,63 dollar bolğan. Londondağı ICE Futures birjasında qırküyek ayında jetkiziletin Brent markalı mwnaydıñ bağası 0,06 dollarğa qımbattap, 62,65 dollarğa jetken.

Mausımda London men N'yu-Yorktiñ şikizat birjalarında osı aptadağı sauda-sattıq qorıtındısı boyınşa mwnay bağası ärtürli bağıtta özgergen bolatın. Mälimetter boyınşa, N'yu-York tauar birjasında (NYMEX) tamızda jetkiziletin WTI markalı mwnay qwnı 0,07 dollarğa köterilip, bir barreli 57,83 dollarğa jetken. Al Londondağı ICE Futures birjasında tamızda jetkiziletin Brent markalı mwnaydıñ bağası 1,06 dollarğa qımbattap, barreli 65,84 dollar bolğan.

2017 jılı Qazaqstan mwnayınıñ ortaşa bağası tonnasına 44 mıñ teñgege jetip, 13,6%-ğa artqan bolatın. Osılayşa, jıl sayın otandıq qara altın bağası qımbattap keledi. Qazaqstan ekonomikası mwnay narığına täueldi bolğandıqtan, şikizat bağasınıñ arzandap nemese qımbattauı mañızdı. Sebebi Qazaqstan ekonomikanı quattandıratın bwdan basqa salağa bet bwra almay otır.

"The Qazaq Times"