Titandı zertteuge arnalğan Dragonfly apparatı; Foto: nasa.gov

Saturnniñ eñ iri sputnigi Titandı zertteu maqsatında NASA agenttigi Dragonfly ğarış apparatın jibermekşi.

Dragonfly ğarış apparatı Titandağı organikalıq zattardı zertteuge, ondağı ömir süruge mümkindiktiñ bar joğın anıqtap, bwğan deyingi tirşiliktiñ jäne qazirgi jağdayın körsetetin himiyalıq markerlerdi izdeuge mümkindik beretin qwraldarmen jabdıqtalğan.

NASA agenttiginiñ direktorı Djeyms Braydenstaynnıñ aytuınşa, Saturnniñ eñ iri sputnigin zertteytin Dragonfly ğarış apparatı Titan atmosferasınıñ 160 km-dan  astam qaşıqtığın qamtitın alğaşqı pilotsız wşu apparatı bolmaq.

Sonday-aq, jospar boyınşa, Dragonfly ğarış apparatı Saturnniñ eñ iri sputnigine 2026 jılı jiberiledi, al 2034 jılı Titanğa jetedi dep kütilude.

Ayta ketu kerek,  Titan sputnigi Jer planetasına öte wqsas bolğandıqtan, Jer planetasındağı ömirdiñ qaylay payda bolğandığın zertteuge mümkindik beredi deydi ğalımdar.

"The Qazaq Times"