BWW twraqtı müşeleri Iranğa qatıstı ortaq mälimdeme jasadı. Foto: xinhuanet.com.

BWW Qauipsizdik keñesiniñ twraqtı müşeleri jäne özge de birqatar Europa elderi Iranğa qarata birlesken mälimdeme jasadı. Bwl mälimdeme BWW QK-nıñ Iran mäselesin taqırıp etken arnayı otırısınan keyin jasalğan. 

Qauipsizdik keñestiñ kezekti otırısı Iran yadrolıq kelisim taqırıbına arnalğan. Britaniya, Franciya, Germaniya, Pol'şa, Bel'giya jäne Estoniya elderi birlese otırıp jasağan mälimdemede, Irandı dağdarıstı küşeytip, qaqtığısqa jol aşatın äreketter men mälimdemelerinen bas tartuğa şaqırğan.

Mälimdemede, Iran tarabınan jasalıp jatqan keybir äreketter AQŞ-tıñ äskeri şabuılına sebep boluı mümkin delingen, bwl öñirdiñ qauipsizdigine qater töndiretin qadamdar retinde bağalağan. Sonday-aq, Tehran tarabınan jasalatın keybir mälimdemeler de şielenisti uşıqtırıp, taraptardıñ qayşılığın küşeytetinin eskertken.

Degenmen, atalğan elder Iranmen jasasqan yadrolıq kelisimdi saqtap qaluğa küş salatının bildirgen. Qazirgi Parsı şığanağındağı qauipsizdik pen twraqtılıq mäselesinde Iranmen jasasqan yadrolıq kelisimniñ saqtaluı asa mañızdı ekenin de rastağan.

Şının quğanda, AQŞ-tıñ yadrolıq kelisimnen birjaqtı şığıp ketui jäne Iranğa ekonomikalıq, sayasi qısımdardı arttıruı qazirgi AQŞ-Iran dağdarısınıñ negizgi sebepteri bolğanımen, Tehran biliginiñ keybir wşqarı äreketteri men äsire mälimdemeleri de qayşılıqtı asqındırıp, eki el arasındağı kelissöz dialogına mümkindik bermey keledi.

“The Qazaq Times”