Resey Türkiyağa ekinşi qorğanıs tehnikanı satıp beruge dayn. Kreml'diñ baspasöz hatşısı Dmitriy Peskov Reseydiñ Türkiyamen S-400 zımıran qorğanıs jüyesi turalı jaña kelisim jasauğa dayın ekenin jetkizdi.

Osıdan bwrın türik SİM basşısı Mevlut Şavuşoğlu Reseyge jasağan saparı kezinde Türkiyanıñ Reseylik S-400 qorğanıs jüyesinen tağı bireuin satıp alu josparınıñ bar ekenin aytqan. Kreml' ökili resmi mälimdemesinde Resey tarabınıñ qorğanıs tehnikasın satu-satıp aludıñ ekinşi kelisimin jasauğa dayın ekenin ayttı.

«Resey tarabı atalğan ıntımaqtastıqtı damıtu üşin mümkindikterdi qarastıruda. Ärine, bwl qalıptı ıntımaqtastıq qadamı», – deydi Dmitriy Peskov.

Türkiyalıq «Anadolı» aqparattıq agenttiginiñ habarına qarağanda, Türkiya ükimeti F-35 wşaqtarınıñ mäselesi turalı da bir şeşimge kelgen. Eger Qwrama Ştattar Türkiyağa jetkizilui tiis jauıngerlik wşaqtardı toqtatatın bolsa, osığan balama retinde özge elden wşaqtar satıp aluğa dayın ekenin bildirgen.

 “The Qazaq Times”